গুৰুত্বপূৰ্ণ খবৰঃ আজিৰে পৰা গুৱাহাটীত বন্ধ হ’ল ২১খন গুলপীয়া বাছ (Pink Buses); যাত্ৰীয়ে ব্যৱহাৰ নকৰাৰ বাবেই এই সিদ্ধান্ত গ্ৰহণ, কেৱল ৪খন বাছহে চলাচল কৰিব ৰাজপথত

আজিৰে পৰা গুলপীয়া বাছৰ (Pink Buses) যাত্ৰা অস্তমিত…কেৱল ৪ খন বাছহে চলাচল কৰিব মহানগৰীৰ ৰাজপথত। বন্ধ কৰি দিয়া হ’ল ২১খন গুলপীয়া এ এছ টি চি (ASTC) বাছৰ সেৱা (Pink Buses Service Reduce)। ‘Bhraman Sarathi’ আঁচনিৰ অন্তৰ্ভুক্ত আছিল এই বাছসমূহ। ২০২১ চনৰ জানুৱাৰীত প্ৰাক্তন মুখ্যমন্ত্ৰী সৰ্বানন্দ সোণোৱালে (Former Chief Minister Sarbananda Sonowal) উদ্বোধন কৰিছিল ২৫খন বাছ। তাৰ পিছতে এই গুলপীয়া বাছ সেৱা প্রৱৰ্তন কৰা হৈছিল গুৱাহাটীৰ ৰাজপথত। মহিলা আৰু জ্যেষ্ঠ নাগৰিকৰ বাবে এই গুলপীয়া এ এছ টি চি (ASTC) বাছসমূহ বিনামূলীয়া সেৱা আগবঢ়াইছিল।

কিন্তু যাত্ৰীয়ে ব্যৱহাৰ নকৰাৰ বাবেই ২১খন বাছ প্ৰত্যাহাৰৰ সিদ্ধান্ত গ্ৰহণ কৰে ASTC-য়ে (ASTC Reduces Number Of Pink Buses To 4)। এতিয়াৰে পৰা কেৱল ৪খন বাছহে (Pink Buses) চলিব মহানগৰীত।

বাছ নং ১- খানাপাৰা-জালুকবাৰী
বাছ নং ২- জালুকবাৰী-খানাপাৰা
বাছ নং ৩- বোন্দা/নাৰেংগী-জালুকবাৰী
বাছ নং ৪- জালুকবাৰী-বোন্দা/নাৰেংগী

Photo: Google

আৰু পঢ়কঃ https://khatangkhobor.com/news/national/tragic-road-accident-6-killed-45-injured-after-tourist-bus-overturns-near-kalinga-ghat/9304/