বুধবাৰে মৰিগাঁৱৰ ছাটনগুৰিৰ সোণাই নৈত গা ধুবলৈ গৈ ৰহস্যজনকভাৱে সন্ধানহীন এজন ২৩ বছৰীয়া যুৱক ৷ জানিব পৰা অনুসৰি, সন্ধিয়া ৬ বজাত ৭ জন বন্ধুৰ সৈতে মৰিগাঁও নগৰৰ পৰা ছাটনগুৰিৰ সোনাই নৈত গা ধুবলৈ গৈছিল নিলম নাথ নামৰ যুৱকজন। কিন্তু গা ধুৱা অৱস্থাতে ৰহস্যজনকভাৱে সন্ধানহীন হৈ পৰে নিলম নাথ ৷
প্ৰকৃততে নৈত মৃত্যুক আঁকোৱালি ল’লে নে লগৰ বন্ধুৱে হত্যা কৰিছে সেয়া বৰ্তমান পোহৰলৈ অহা নাই ৷ নিলম নাথ পেছাত এজন ব্যক্তিগত বিদ্যালয়ৰ শিক্ষক আৰু পিতৃ এজন কনিষ্টবল।
মৃত নিলমৰ ঘৰ চৰাইবাহীত। ইতিমধ্যে বন্ধু ৬জনক আটক কৰিছে মৰিগাঁও আৰক্ষীয়ে ৷ লগতে ঘটনাস্থলীত আৰক্ষী আৰু SDRFৰ জোৱান উপস্থিত হৈ তদন্ত আৰম্ভ কৰিছে। SDRF বাহিনীয়ে নৈত মৃতদেহটো উদ্ধাৰ বাবে নামে।
এঘণ্টাজুৰি SDRFয়ে বিচাৰি ফুৰাত অৱশেষত মৃতদেহটো উদ্ধাৰ কৰিবলৈ সক্ষম হয় আৰু মৰণোত্তৰ পৰীক্ষাৰ বাবে মৰিগাঁও অসামৰিক চিকিৎসালৈ প্ৰেৰণ কৰে।
Photo & Input: মৃগাংক মেধি
Discussion about this post