শোকাৱহ! ঈদৰ আনন্দৰ মাজতে কৰুণ ঘটনা; বাইকেৰে পিতৃৰ সৈতে ঈদৰ বজাৰ কৰিবলৈ গৈ আছিল কন্যা, পাছফালৰ পৰা ডাম্পাৰে প্ৰচণ্ড খুন্দা মাৰে পিতৃ-কন্যাক, পিতৃৰ সন্মুখতে প্ৰাণ হেৰুৱালে কন্যাই

ঈদৰ (Eid) আনন্দ-উল্লাসৰ মাজতে এক শোকাৱহ পথ দুৰ্ঘটনা (Tragic Incident) সংঘটিত হয় ঢেকীয়াজুলিত (Dhekiajuli)। পিতৃৰ সৈতে ঈদৰ বজাৰ কৰিবলৈ গৈ ডাম্পাৰৰ খুন্দাত (Bike Colided With Dumper) প্ৰাণ হেৰুৱালে এগৰাকী নৱম শ্ৰেণীৰ ছাত্ৰীয়ে (Girl Died)। শোণিতপুৰ জিলাৰ (Sonitpur District) ঢেকীয়াজুলি ৰাজহচক্ৰৰ অন্তৰ্গত ননকে গাঁৱৰ সমীপত ১৫নং ৰাষ্ট্ৰীয় ঘাইপথত সংঘটিত হৈছে এই শোকাৱহ দুৰ্ঘটনাটো।

জানিবলৈ দিয়া অনুসৰি দেওবাৰে দিনৰ প্ৰায় ১১ বজাত ১৫নং ৰাষ্ট্ৰীয় ঘাই পথৰ ননকে গাঁৱৰ সমীপত এখন দ্ৰুতবেগী ডাম্পাৰে বাইক আৰোহী পিতৃ আৰু কন্যাক (Father Injured And Daughter Died) পাছফালৰ পৰা খুন্দা মাৰে।

দুৰ্ঘটনাটোৰ পিছত চিকিৎসালয়লৈ নিয়াৰ পথতে কৰুণ মৃত্যুক সাৱটে ১৪ বছৰীয়া কন্যা জেৰিফা ৱাহিদে। আনহাতে দুৰ্ঘটনাটোৰ ফলত গুৰুতৰভাৱে আহত হৈছে দলগাঁৱৰ ২নং বাহাজান গাঁৱৰ পিতৃ চফিউল্লা (৫০)।

বাইকত পিতৃৰ সৈতে ঈদৰ বজাৰ কৰিবলৈ গৈ থাকোঁতে ৰাস্তাতে ডাম্পাৰ এখনে পাছফালেৰে প্ৰচণ্ড জোৰেৰে খুন্দা মাৰাৰ ফলত দুয়ো বাইকৰ পৰা বহু দূৰলৈ ছিটিকি পৰে। দুই পিতৃ কন্যা ঘৰলৈ গৈ থকা অৱস্থাত ঢেকীয়াজুলিৰ ১৫নং ৰাষ্ট্ৰীয় ঘাইপথত (Dhekiajuli Horrific Road Accident) সংঘটিত হয় এই দুৰ্ঘটনাটো। ডাম্পাৰখনৰ চালক ঘটনাস্থলীৰ পৰা পলায়ন কৰে যদিও আৰক্ষীয়ে ডাম্পাৰখন নিজৰ জিম্মাত লৈ অনুসন্ধান আৰম্ভ কৰিছে। নিহত ছাত্ৰীগৰাকীৰ পিতৃ বৰ্তমান চিকিৎসাধীন হৈ আছে বুলি জানিব পৰা গৈছে।

Photo & Input: Saidul Islam

Published BY: Dulu Medhi

আৰু পঢ়কঃ https://khatangkhobor.com/miscellaneous/health/health-tips-pineapple-benefits-for-health/10357/