ভয়ংকৰ ঘটনা! নৱমীৰ দিনা ছাগলীৰ বলি (Sacrifice) দি থকা সময়তে বলি কটা ‘দা’ চিটিকি গৈ ডিঙিত লাগে ৪ বছৰীয়া শিশুৰ; মৃত্যুক সাৱটে কণমানিটিয়ে, কিন্তু তাৰ পিছতো চলি থাকিল এই বলিপ্ৰথা

ঝাৰখণ্ডৰ (Jharkhand) গুমলা জিলাৰ (Gumla District) ঘাঘৰা আৰক্ষী থানাৰ অন্তৰ্গত লালপুৰ গাঁৱত (Lalpur Village) দুৰ্গা পূজাৰ নৱমীৰ দিনা ছাগলীৰ বলিদানৰ (Sacrifice) সময়ত দা চিটিকি ৪ বছৰীয়া বিমল ওৰাওনৰ মৃত্যু হয়। লালপুৰ গাঁৱৰ দেৱী মণ্ডপ লালপুৰৰ (Devi Mandap Lalpur) ওচৰত ছাগলী বলি দিয়া হৈ আছিল। তাত শ শ লোক উপস্থিত আছিল।

মণ্ডপটোত ৩টা ছাগলী বলিৰ বাবে অনা হৈছিল। সেই সময়ত বলিস্থলীত উপস্থিত হৈছিল অসংখ্য গাঁওবাসী। দুটা ছাগলীৰ বলি সম্পন্ন হোৱাৰ পিছত তৃতীয়টো ছাগলী বলি দিবলৈ লওতেই বলি কটা দাখন চিটিকি আহি ভিৰৰ মাজত থিয় হৈ থকা গাঁওখনৰ নিৱাসী দীপক ওৰাওন আৰু বীৰসী দেৱীৰ ৪ বছৰীয়া পুত্ৰ বিমলৰ ডিঙিত লাগে।

লগে লগে ৰক্তাক্ত হৈ মাটিত ঢলি পৰা শিশুটিক ঘঘৰা গ্ৰাম্য সামূহিক স্বাস্থ্য কেন্দ্ৰলৈ লৈ যোৱা হয় যদিও হাস্পতাল পোৱাৰ পূৰ্বেই শিশুটিৰ মৃত্যু ঘটে (4 Year Old Boy Dead During Sacrifice)। ঘটনা সন্দৰ্ভত ইতিমধ্যে আৰক্ষীয়ে এটা গোচৰ ৰুজু কৰি শিশুটিৰ মৃতদেহ মৰণোত্তৰ পৰীক্ষাৰ বাবে প্ৰেৰণ কৰিছে।

গাওঁবাসীয়ে মৃতদেহ আৰক্ষীক হস্তান্তৰ কৰিবলৈ অস্বীকাৰ কৰে ঘটনাটোৰ বিষয়ে তথ্য পোৱাৰ পিছত ঘাঘৰা আৰক্ষী থানাৰ আৰক্ষী লালপুৰ গাঁৱত উপস্থিত হয়। যেতিয়া আৰক্ষীয়ে শিশুটিৰ মৃতদেহটো দখল কৰি আছিল, গাওঁবাসীয়ে মৃতদেহটো আৰক্ষীক হস্তান্তৰ কৰিবলৈ অস্বীকাৰ কৰিছিল। গাওঁবাসীয়ে কৈছিল যে এয়া হত্যাকাণ্ড নহয়। এইটো এটা দুৰ্ঘটনা। আৰক্ষীৰ দ্বাৰা যথেষ্ট অনুৰোধ কৰাৰ পিছত, শিশুটিৰ মৃতদেহ পৰিয়ালটোৱে আৰক্ষীক গতাই দিয়ে। কোৱা হৈছে যে শিশুটি আঘাতপ্ৰাপ্ত হোৱাৰ পাছতো, ছাগলী বলি দিয়া প্ৰথা বন্ধ হোৱা নাছিল।

Photo: Google

আৰু পঢ়কঃ https://khatangkhobor.com/news/assam/2-child-drowned-into-pond-at-sarukhetri-in-assam/12094/