আকৌ চুৰি! বিতৰ্কিত সংগীত পৰিচালক অজয় ফুকনৰ (Ajoy Phukan) বিৰুদ্ধে পুনৰ গান চুৰিৰ অভিযোগ; অনুমতি নোলোৱাকৈ থিয়েটাৰক প্ৰদান কৰিছে আন শিল্পীৰ গীত

আকৌ গান চুৰি সংগীত পৰিচালক অজয় ফুকনৰ (Ajoy Phukan)। গীত চুৰি কৰি পুনৰ বিতৰ্কত সোমাই পৰিছে অজয় ফুকন। গীত চুৰি কৰাৰ অভিযোগ উত্থাপন কৰিছে প্ৰতিভাৱান গায়িকা বিলকিছ ইনামে (Bilkis Inam)।

গায়িকা বিলকিছ ইনামৰ (Singer Bilkis Inam)। অভিযোগ অনুসৰি- জুবিন গাৰ্গ আৰু বিলকিছ ইনামৰ দ্বৈত কণ্ঠৰ এটা গীত অনুমতি বিহীনভাৱে থিয়েটাৰক প্ৰদান কৰিছে সংগীত পৰিচালক অজয় ফুকনে।

গায়িকা বিলকিছ ইনামে প্ৰযোজনা কৰা ‘তুমি এটি তৰা’ শীৰ্ষক গীতটোৰ সংগীত দিছিল অজয় ফুকনে। গীতটোত বিলকিছৰ সৈতে একেলগে কণ্ঠদান কৰিছিল যুৱ প্ৰজন্মৰ হাৰ্টথ্ৰৱ জুবিন গাৰ্গে (Singer Zubeen Garg)। ৯ মাহ পূৰ্বেই নিজৰ ইউটিউব চেনেলযোগে গীতটো মুকলি কৰিছিল গায়িকা বিলকিছ ইনামে। কিন্তু এই গীতটোকে অনুমতি নোলোৱাকৈ অতি গোপনে ভাগ্যদেৱী থিয়েটাৰক প্ৰদান কৰাৰ অভিযোগ অজয় ফুকনৰ বিৰুদ্ধে।

ঘটনা সম্পৰ্কে গায়িকাগৰাকীয়ে ফোনযোগে অজয় ফুকনক সোধাত অজয় ফুকনে বেয়াকৈ গালি-গালাজ কৰাৰ লগতে কেৰিয়াৰ ধ্বংস কৰি দিয়াৰ ভাবুকি দিয়ে। ইতিমধ্যে সামাজিক মাধ্যমত ভাইৰেল হৈ পৰিছে অজয় ফুকন আৰু বিলকিছ ইনামৰ মাজৰ এটা ফোন ৰেকৰ্ডিং। গীতটোত সংগীত দিয়াৰ বাবে অজয় ফুকনে লৈছিল ৩০ হাজাৰ টকা। এই ঘটনাটোৰ পিছতে সৃষ্টি হৈছে তীব্ৰ প্ৰতিক্ৰিয়াৰ।

Photo & Input:

আৰু পঢ়কঃ https://khatangkhobor.com/news/national/63-spoons-removed-from-the-patients-stomach-at-uttar-pradesh/12016/