খুবেই দুখলগা! সমনীয়াৰে খেলি থাকোতেই ঘৰৰ পুখুৰীত পৰি অকাল মৃত্যুক সাৱটিলে একেটা পৰিয়ালৰ ২ কণমানি শিশুৱে; পৰিয়ালটোত কান্দোনৰ ৰোল

সৰুক্ষেত্ৰী সমষ্টিৰ (Sarukhetri) অন্তৰ্গত আগদীয়া পথাৰত একে পৰিয়ালৰ ২টি শিশুৰ সলিলসমাধি (2 Child Drowned Into Pond)। নিজৰ ঘৰৰ পুখুৰীত পৰি সলিলসমাধি ঘটে ছামিৰ আহমেদ আৰু ফাৰুক আলীৰ নামৰ দুটি কণমানি শিশুৰ।

বৰপেটা জিলাৰ সৰুক্ষেত্ৰী সমষ্টিৰ অন্তৰ্গত আগদীয়া পথাৰত বুধবাৰে সংঘটিত হয় এই হৃদয় বিদাৰক ঘটনাটো (Tragic Incident)। একেটা পৰিয়ালৰ দুই শিশুৰ সলিলসমাধি ঘটাত আগদিয়া পথাৰত শোকাকুল পৰিবেশৰ সৃষ্টি।

আগদিয়া পথাৰৰ সহিদুল ইছলামৰ ১১ বছৰীয়া পুত্ৰ ফাৰুক আলী আৰু কহিনুৰ বেগমৰ ৭ বছৰীয়া পুত্ৰ ছামিৰ আহমেদে আন এজন সমনীয়াৰ সৈতে নিজ ঘৰৰ পুখুৰীত থাৰ্মকলৰ ভেলত উঠি খেলি থাকোতে পুখুৰীৰ পানীত পৰি অকাল মৃত্যুক সাৱটি লয়।

স্থানীয় ৰাইজে শিশু দুটিক উদ্ধাৰ কৰি বৰপেটাৰ ফখৰুদ্দিন আলী আহমেদ চিকিৎসা মহাবিদ্যালয় হাস্পতাললৈ লৈ যায় যদিও চিকিৎসকে মৃত বুলি ঘোষণা কৰে।

Photo & Input: ৰবিউল ইছলাম

আৰু পঢ়কঃ https://khatangkhobor.com/news/national/kerala-police-man-stole-mangoes-video-viral-suspended/12084/