কৰুণ! চিপ লৈ আত্মহত্যা (Suicide) জিঅ’ টেলিকম অভিযন্তাৰ; জানিব পৰা হোৱা নাই আত্মহত্যাৰ কাৰণ, যুৱকজনৰ মৃত্যুত কান্দোনৰ ৰোল পৰিয়ালটোত

বিলাসীপাৰাৰ (Bilasipara) মাজমজিয়াত মঙলবাৰে দিনৰ ভাগত নিজৰ ঘৰৰ ভিতৰতে চিপ লৈ এজন যুৱকে আত্মহত্যা (Suicide) কৰে। এই ঘটনাটোৰ পিছতে অঞ্চলজুৰি তীব্ৰ চাঞ্চল্যৰ সৃষ্টি হৈছে।

জানিব পৰা মতে, যুৱকজন গোৱালপাৰা জিলাৰ (Goalpara District) লক্ষীপুৰ থানাৰ (Lakhipur Station) অন্তৰ্গত মেছেৰ ভিটা গাঁৱৰ মজিবুৰ ৰহমানৰ ৩১ বছৰীয়া পুত্ৰ ৰেজাবুল ইছলাম বুলি জানিব পৰা গৈছে। জিঅ’ টেলিকমত (Jio Telecom) অভিযন্তা (Engineer) হিচাপে কৰ্মৰত যুৱকজন কৰ্মসূত্ৰে বিলাসীপাৰা চহৰৰ ৮নং ৱাৰ্ডৰ বাসিন্দা নাজিমুল হকৰ ঘৰত ভাড়াতীয়া হিচাপে আছিল। যুৱকজনৰ মৃত্যুৰ পিছতে কান্দোনত ভাগি পৰিছে পৰিয়ালটো।

আত্মহত্যাৰ (Suicide) খবৰ পাই বিলাসীপাৰা আৰক্ষীয়ে (Bilasipara Police) ঘটনাস্থলীত উপস্থিত হৈ দণ্ডাধীশৰ উপস্থিতিত মৃতকক উদ্ধাৰ কৰি মৰণোত্তৰ পৰীক্ষাৰ বাবে ধুবুৰী অসামৰিক চিকিৎসালয়লৈ প্ৰেৰণ কৰা বুলি জানিব পৰা গৈছে। আনহাতে কি কাৰণত যুৱ অভিযন্তাজনে আত্মহত্যা কৰিলে সেয়া বৰ্তমানলৈ জানিব পৰা হোৱা নাই।

Photo & Input: আতোৱাৰ ৰহমান

Published By: Dulu Medhi

আৰু পঢ়কঃ https://khatangkhobor.com/%e0%a6%95%e0%a7%8d%e0%a7%b0%e0%a6%be%e0%a6%87%e0%a6%ae/loot-case-facebook-love-lover-loot-money-jewellery-at-gohpur-in-assam/10717/