য’তে সুযোগ, তাতে বেপাৰ! নাম উল্লেখ নকৰিলেও হয়তো বুজি পাইছে কাৰ কথা কৈ আছো; পৰেশ বৰুৱাৰ পিছত এইবাৰ মেট্ৰিক পৰীক্ষাত অনুত্তীৰ্ণ ছাত্ৰ-ছাত্ৰীসকললৈ বিশেষ বিধান আচাৰ্য পংকজ পাঠকৰ, পিছে কি আছে বিধানত? ভাইৰেল হৈ পৰিছে পোষ্টটো…

পুনৰ চৰ্চাত আচাৰ্য পংকজ পাঠক (Pankaj Pathak)! য’তে সুযোগ পাই তাতে বেপাৰ কৰা আচাৰ্য পংকজ পাঠকৰ পুনৰ এটা ফেচবুক পোষ্ট ভাইৰেল হৈ পৰিছে। কিছুদিন পূৰ্বে সংবাদ মাধ্যমত পৰেশ বৰুৱাৰ এটা ভিডিঅ’ সাক্ষাৎকাৰৰ পিছত আলফা স্বাধীনৰ সেনাধ্যক্ষগৰাকীৰ কাহৰ দৰৱ হিচাপে আচাৰ্য পংকজ পাঠকে উল্লেখ কৰিছিল ‘কাঁহৰ (আচলতে ‘কাহৰ’) যমকাল’ নামৰ এটা আয়ুৰ্বেদিক ঔষধৰ। তাৰ পিছতে ভাইৰেল হৈ পৰিছিল পংকজ পাঠকৰ এই ফেচবুক পোষ্টটো (Pankaj Pathak Facebook Post Viral In Social Media)।

আৰু পঢ়কঃ https://khatangkhobor.com/news/assam/pankaj-pathak-health-advice-to-paresh-baruah-social-media-viral-post-in-assam/9002/

পুনৰবাৰ নিজৰ দৰৱৰ বেপাৰ কৰিবলৈ উঠি-পৰি লাগিল আচাৰ্যগৰাকী। সুযোগ পোৱাৰ লগে লগে নিজৰ বেপাৰক প্ৰচাৰ কৰিবলৈ আৰম্ভ কৰা পংকজ পাঠকে এইবাৰ দিলে হাইস্কুল শিক্ষান্ত পৰীক্ষাত অনুত্তীৰ্ণ শিক্ষাৰ্থীলৈ (HSLC Fail Candidate) এক বিশেষ বিধান।

বহু প্ৰতিক্ষাৰ অন্ত পেলাই মঙলবাৰে পুৱা ১০ বজাত অনলাইনযোগে ঘোষণা কৰা হৈছিল হাইস্কুল শিক্ষান্ত আৰু হাই মাদ্ৰাছা পৰীক্ষাৰ ফলাফল (HSLC And High Madrassa Exam)। ফলাফল অনুসৰি এইবাৰৰ উত্তীৰ্ণৰ হাৰ ৫৬.৪৯ শতাংশ। পৰীক্ষাৰ ফলাফলৰ পিছত কাৰোবাৰ হয়তো মুখত হাঁহি বিৰিঙিছিল আৰু কোনোবাই হয়তো চকু টুকিছিল। কিন্তু এইবোৰৰ মাজতে সময়ৰ তীৰ সময়ত মাৰিবলৈ এৰা নাছিল। তেওঁ ফেচবুকযোগে মেট্ৰিক পৰীক্ষাত অনুত্তীৰ্ণ ছাত্ৰ-ছাত্ৰীসকললৈ বিশেষ বিধান আগবঢ়াই লিখিলে- ‘হাইস্কুল শিক্ষান্ত পৰীক্ষাত উত্তীৰ্ণ হোৱা সমূহ ছাত্ৰ-ছাত্ৰীলৈ মোৰ আন্তৰিক শুভকামনা থাকিল আৰু তেওঁলোকৰ উজ্জ্বল ভবিষ্যতৰ বাবে ভগৱানৰ ওচৰত প্ৰাৰ্থনা জনাইছোঁ। লগতে অনুত্তীৰ্ণ সকলো ছাত্ৰ-ছাত্ৰীলৈও মোৰ মৰম আৰু আশিষ থাকিল। তেওঁলোকে আমাৰ ব্ৰাহ্মী Juice নিয়মিত খাওক আৰু অহা বছৰলৈ চেষ্টা কৰক।
For online order , Download our Android app at below link

লগতে তেওঁ তেওঁৰ ব্ৰাহ্মী জুইচ (juice)ৰ এখন বিজ্ঞাপনৰ ফটোও শ্বেয়াৰ কৰিছে।

উল্লেখ্য যে, কিছুদিন পূৰ্বে তেওঁ আলফাৰ সেনাধ্যক্ষ পৰেশ বৰুৱালৈও কাঁহৰ বাবে বিশেষ বিধান আগবঢ়াইছিল। পৰেশ বৰুৱাৰ নাম উল্লেখ কৰি তেওঁ ফেচবুকত এটা পোষ্ট দি লিখিছিল- ”পৰেশ বৰুৱা ডাঙৰীয়া, আপোনাৰ সাক্ষাৎকাৰ যোৱাকালি চালো জাৰীৰ হুচেইন ডাঙৰীয়াৰ লগত। আপোনাৰ দীৰ্ঘায়ু কামনা কৰি আপোনালৈ এটা সামান্য পৰামৰ্শ আগবঢ়ালোঁ। আপুনি টিভিত কথা কম আৰু কাহি থকা বেছি দেখা পালো। প্ৰায় প্ৰতিবাৰ আপুনি যেতিয়া ফোন কৰে কোনো চেনেলত, প্ৰতিবাৰেই আপোনাক খুকুৰ-খুকুৰ কৰি থকা শুনা পাওঁ।

আপুনি কোনোবা মানুহ পঠাই আমাৰ দোকানৰ পৰা আমাৰ এই ‘কাহৰযমকাল’ এটা লৈ ল’ব। এইটো খালে যিমান পুৰণি কাহ হলেও আপুনি ভাল পাব। কাহৰ লগতে হাঁপানী, ব্ৰংকাইটিছ, এলাৰ্জি কাহ আদিৰ বাবেও বহুত উপকাৰী। আপুনি এইটো অনলাইন অৰ্ডাৰ কৰিও লব পাৰিব। কিন্তু ভাৰতৰ বাহিৰত আমি ডেলিভাৰী নিদিওঁ।’’

পৰেশ বৰুৱাক কিয়া কাহৰ দৰৱৰ বিধান দিয়া ফেচবুক পোষ্টটো ভাইৰেল হোৱাৰ পিছতে পুনৰবাৰ আচাৰ্য পংকজ পাঠকৰ (Pankaj Pathak) এই পোষ্টটো ভাইৰেল (Viral Post) হৈ পৰিছে।

Photo: Google

Published By: Dulu Medhi

আৰু পঢ়কঃ https://khatangkhobor.com/%e0%a6%95%e0%a7%8d%e0%a7%b0%e0%a6%be%e0%a6%87%e0%a6%ae/hslc-and-high-madrassa-exam-result-matric-candidate-commit-suicide-at-mangaldoi-in-assam/9610/