ভয়ংকৰ! দ্ৰুতবেগী বাছ আৰু বলেৰ’ গাড়ীৰ খুন্দা; একেলগে ৬জন লোকে হেৰুৱালে প্ৰাণ, আহত বহুকেইজন, দুৰ্ঘটনাটো ইমানেই ভয়ংকৰ আছিল যে দুয়োখন বাহনে সম্পূৰ্ণৰূপে বিধ্বস্ত

উত্তৰ প্ৰদেশৰ (Uttar Pradesh) দেওৰিয়াত (Deoria) এক ভয়ংকৰ পথ দুৰ্ঘটনা (Horrific Road Accident) সংঘটিত হৈছে। এখন দ্ৰুতবেগী বাছে বলেৰ’ গাড়ীক খুন্দা মাৰে (Bus And Bolero Collision)। সংঘৰ্ষ ইমানেই শক্তিশালী আছিল যে বলেৰ’ বাহনখন সম্পূৰ্ণৰূপে বিধ্বস্ত আৰু বাছখন ওলোটাকৈ বাগৰি পৰে। বলেৰ’ বাহনখনত থকা লোকসকলক তিলক সমাৰোহৰ পৰা উভতি আহি আছিল। ভয়ংকৰ খুন্দাৰ পিছত বলেৰ’ত যাত্ৰা কৰা লোকসকল বেয়াকৈ আৱদ্ধ হৈ আছিল যাৰ পিছত তেওঁলোকক গেছ কাটাৰৰ সহায়ত বাহিৰলৈ উলিয়াব লগা হৈছিল। এই দুৰ্ঘটনাটোত বলেৰ’ বাহনখনত থকা যাত্ৰীৰ মাজত ৫জন লোকে ঘটনাস্থলীতে কৰুণ মৃত্যুক সাৱটে আৰু কেইবাজনক জিলা হাস্পতাললৈ লৈ যোৱা হয়, য’ত এজন লোকক চিকিৎসকসকলে মৃত ঘোষণা কৰে (6 Person Died)। আধা ডজন আঘাতপ্ৰাপ্ত ব্যক্তিৰ মাজৰ দুজনৰ অৱস্থা সংকটজনক বুলি কোৱা হৈছে।

দৰাচলতে, কুশীনগৰ জিলাৰ (Kuchinagar District) কোহড়া গাঁৱৰ ৰবীন্দ্ৰ তিৱাৰীৰ ঘৰৰ পৰা দেওৰিয়াৰ গৌৰীবজাৰৰ ৰামনগৰ গাঁৱলৈ তিলক আহিছিল। তিলক সমাৰোহত ভোজনৰ পিছত এবাৰ-এবাৰকৈ প্ৰতিখন গাড়ী কুশীনগৰলৈ উভতিছিল। এই ক্ৰমত, এখন বলেৰ’ গাঁৱৰ পৰা ওলাই ৰুদ্ৰপুৰ-গৌৰীবজাৰ পথৰ পান্নাহা-ইন্দুপুৰৰ কালী মন্দিৰৰ মাজত উপস্থিত হৈছিল। সেই সময়তে গৌৰীবজাৰৰ ফালৰ পৰা অহা এখন দ্ৰুতবেগী বাছে বলেৰ’খনক জোৰেৰে খুন্দা মাৰে (Bus And Bolero Collision)।

এই ভয়ংকৰ দুৰ্ঘটনাৰ বিষয়ে অৱগত হোৱাৰ পিছত, অতিৰিক্ত এছপি ৰাজেশ সোনকাৰ আৰু চিঅ’ ৰুদ্ৰপুৰ জিলাজিৎ ঘটনাস্থলীত উপস্থিত হয় আৰু উদ্ধাৰ কাৰ্য সম্পাদন কৰে। আনহাতে, ডিএম জীতেন্দ্ৰ প্ৰতাপ সিং আৰু এছপি ড০ শ্ৰীপতি মিশ্ৰাই এই তথ্য লাভ কৰাৰ লগে লগে জিলা চিকিৎসালয়ৰ জৰুৰীকালীন অৱস্থালৈ যায় আৰু আহতসকলক সঠিক চিকিৎসা প্ৰদান কৰিবলৈ নিৰ্দেশ দিয়ে।

নিহতসকলৰ ভিতৰত বলেৰ’ যাত্ৰা কৰা কুশীনগৰৰ বাসিন্দা শুভম গুপ্তা, ৰাম প্ৰকাশ সিং, বশিষ্ঠ সিং, যোগন সিং, অংকুৰ পাণ্ডে আৰু বাছখনত যাত্ৰা কৰা দেওৰিয়া নিবাসী ৰামানন্দ মৌৰ্য বুলি চিনাক্ত কৰা হৈছে।

এই ঘটনাটোৰ পিছতে মুখ্য়মন্ত্ৰী যোগী আদিত্যনাথে শোকপ্ৰকাশ (CM Yogi Adityanath) কৰে। টুইটাৰযোগে তেওঁ কয় যে-বিষয়াসকলক আহত লোকসকলৰ উচিত চিকিৎসা প্ৰদানৰ নিৰ্দেশ দিয়া হৈছে।

#UPCM श्री @myogiadityanath जी ने जनपद देवरिया में हुई एक सड़क दुर्घटना में लोगों की मृत्यु पर गहरा शोक व्यक्त किया है।

मुख्यमंत्री जी ने मृतकों के शोक संतप्त परिजनों के प्रति संवेदना व्यक्त करते हुए अधिकारियों को घायलों का समुचित उपचार कराने के निर्देश दिए हैं।

— CM Office, GoUP (@CMOfficeUP) April 18, 2022

Photo: Google

আৰু পঢ়কঃ https://khatangkhobor.com/news/two-assamese-youth-join-ulfa-i-in-assam/8362/