ৰাখে হৰি মাৰে কোনে! নিয়ন্ত্ৰণ হেৰুৱাই তিনি আৰোহীসহ দ’ খাৱৈত সোমাল বেলেন’ বাহন; সৌভাগ্যক্ৰমে তিনিওজনৰে প্ৰাণ ৰক্ষা ভয়ংকৰ দুৰ্ঘটনাটোত, JCBৰে টানি উলিয়াই অনা হয় বাহনখন

বাক্সাৰ শালবাৰীৰ (Baksa Salbari) খাৰিজা বিজনীৰ বাৰাপেটা নেপালীবস্তীত সংঘটিত হৈছে এক ভয়ংকৰ পথ দুৰ্ঘটনা (Horrific Road Accident)৷ নিয়ন্ত্ৰণ হেৰুৱাই তিনি আৰোহীসহ দ’ খাৱৈত সোমাল বেলেন’ বাহন (Baleno Car Accident)।  বাক্সাৰ চুক্ৰুবাৰীৰ পৰা বৰপেটাৰোড অভিমুখে গৈ আছিল বাহনখন ৷ তেনে সময়তেই নিয়ন্ত্ৰণ হেৰুৱাই পথৰ কাষত থকা এটা দ’ খাৱৈত (Baleno Car Drown In Ditch) সোমাই যায় বাহনখন৷

তাৰ পিছতেই খাৱৈটোত প্ৰায় সম্পূৰ্ণৰূপে ডুব যায় বাহনখন ৷ সৌভাগ্যক্ৰমে ৰক্ষা পৰে বাহনখনত থকা তিনি আৰোহী ৷ অৱশেষত স্থানীয় লাৱদাংগুৰী আৰক্ষী (Labdanguri Police) আৰু স্থানীয় ৰাইজৰ সহযোগত উদ্ধাৰ কৰা হয় বাহনখন ৷ এখন JCB বাহনেৰে টানি দ’ খাৱৈৰ পৰা উদ্ধাৰ কৰে বাহনখন। বাহনখন উদ্ধাৰ কৰি লাৱদাংগুৰী আৰক্ষী চকীলৈ লৈ যায় আৰক্ষীয়ে ৷

Photo: Khatang Khobor

আৰু পঢ়কঃ https://khatangkhobor.com/news/national/aligarh-policeman-drown-in-drain-with-wife-watch-viral-video/9898/