চাঞ্চল্যকৰ! ৩ বছৰীয়া পুত্ৰ আৰু স্বামীক এৰি ক’লৈ গ’ল ২২ বছৰীয়া বোৱাৰী মুস্কান; পত্নীক বিচাৰি স্বামীৰ হাহাকাৰ…সন্ধান পালে 7002934198 নম্বৰত যোগাযোগৰ আহ্বান

এক চাঞ্চল্যকৰ ঘটনা সংঘটিত হৈছে নলবাৰী জিলাৰ (Nalbari) বৰক্ষেত্ৰীত (Barkhetri)। নলবাৰী জিলাৰ বৰক্ষেত্ৰী সমষ্টিৰ এগৰাকী ২২ বছৰীয়া বোৱাৰী সন্ধানহীন (Buwari Missing Case)! গুৱাহাটীৰ আজাৰা হাটখোৱাৰ ভাড়াঘৰত বাস কৰিছিল নলবাৰী জিলাৰ বৰলীয়াৰপাৰ অঞ্চলৰ ৱাহিদুৰ ৰহমান। আজিৰ পৰা প্ৰায় তিনি বছৰ পূৰ্বে বিবাহপাশত আবদ্ধ হৈছিল মুস্কান হক নামৰ এগৰাকী যুৱতীৰে।

জানিব পৰা মতে দুপৰীয়া প্ৰায় ৩ বজাত স্বামী ৱাহিদুৰে তেওঁৰ একমাত্ৰ তিনি বছৰীয়া পুত্ৰক লৈ জালুকবাৰীৰ ফালে ওলাই গৈছিল। পিছত আবেলি চাৰি মান বজাত নিজৰ ভাৰাতীয়া ৰুমলৈ ঘূৰি আহি নিজ পত্নীক বিচাৰি নাপাই ফোন কৰে যদিও বৰ্তমানলৈকে ফোন অফ হৈ থকাত উপায়বিহীন হৈ পৰিছে মহিলাগৰাকীৰ স্বামী ৱাহিদুৰ।

পৰিয়ালৰ লোকে বিভিন্ন ঠাইত বিচাৰ খোচাৰ কৰিও কোনো শুংসূত্ৰ নোপোৱাত গুৱাহাটীৰ আজাৰা আৰক্ষী থানাত (Azara Police) সন্ধানহীন সম্পৰ্কত এখন এজাহাৰ দাখিল কৰে। কোনো সদাশয় লোকে মহিলাগৰাকীৰ সন্ধান লাভ কৰিলে 7002934198 নম্বৰত পৰিয়ালৰ লোকৰ সৈতে যোগাযোগ কৰিবলৈ জনাইছে দুৰ্ভগীয়া স্বামীৰ লগতে পৰিয়ালটোৱে।

Photo & Input: ৰানা চৌধুৰী

আৰু পঢ়কঃ https://khatangkhobor.com/news/international/russia-lift-accident-video-getting-viral-on-social-media-watch-horrific-viral-video/12241/