Alert বিদ্যুৎ বিভাগ! প্ৰাতঃভ্ৰমণলৈ গৈ উন্মুক্ত ট্ৰেঞ্চফৰ্মাৰৰ তলৰ পানী স্পৰ্শ কৰি কৰুণ মৃত্যুক সাৱটিলে টেট শিক্ষকে; হিয়া ঢাকুৰি কান্দোন পত্নী-মাতৃৰ, খুবেই দুখলগা এক দৃশ্য

বিদ্যুৎ বিভাগৰ (Power Department) গাফিলতিৰ ভয়ংকৰ পৰিণতি। মুকালমুৱা (Mukalmua) ঘোঁৰাথালত সংঘটিত হৈছে এক কৰুণ ঘটনা (Tragic Incident)। প্ৰাতঃ ভ্ৰমণলৈ গৈ কৰুণ মৃত্যুক সাৱটে টেট শিক্ষকে (Tet Teacher Died) ৷ বিদ্যুৎ বিভাগৰ মৰণফান্দত পৰি মৃত্যুক সাৱটিলে শিক্ষক ভৱেশ দাসে (Bhabesh Das) ৷

মুগদি-ৰামপুৰ পথৰ ঘোঁৰাথালৰ এটা উন্মুক্ত বৈদ্যুতিক ট্ৰেঞ্চফৰ্মাৰ তলত থকা পানী স্পৰ্শ কৰি মৃত্যুক সাৱটিলে শিক্ষক ভৱেশ দাসে ৷ বৰপেটা জিলাৰ (Barpeta District) মন্দিয়া শিক্ষাখণ্ডৰ অন্তৰ্গত গুৰলা প্ৰাথমিক বিদ্যালয়ৰ শিক্ষক আছিল ভৱেশ দাস ৷

ভৱেশ দাসৰ মৃত্যুৰ পিছতে হিয়া ঢাকুৰি কান্দোন পত্নীসহ পৰিয়ালৰ লোকৰ ৷ এটি এবছৰীয়া কন্যা সন্তানৰ পিতৃ আছিল শিক্ষক ভৱেশ দাস ৷ মাতৃৰ কান্দোন দেখি অবুজ শিশুটিও কান্দোনত ভাগি পৰিছে ৷ অত্যন্ত অমায়িক স্বভাৱৰ শিক্ষক ভৱেশ দাসৰ কৰুণ মৃত্যুত শোকাস্তব্ধ হৈ পৰিছে ঘোঁৰাথাল গাঁও ৷ টেট শিক্ষকজনৰ মৃত্যুৰ বাবে বিদ্যুৎ বিভাগকে জগৰীয়া কৰিছে স্থানীয় লোকে ৷

Photo & Input: ৰানা চৌধুৰী

Published By: Dulu Medhi

আৰু পঢ়কঃ https://khatangkhobor.com/news/tragic-incident-2-sisters-died-for-artifical-flood-at-dhemaji-in-assam/9946/