মন্ত্ৰী পিয়ুষ হাজৰিকাৰ কনভয়ত অথন্তৰ। বাক্সাৰ গোৱৰ্ধনাত গৰাখহনীয়া অঞ্চল পৰিদৰ্শন কৰিবলৈ অহা মন্ত্ৰী পিয়ুষ হাজৰিকা আৰু ৰঞ্জিত কুমাৰ দাসৰ কনভয়ত লাগিল অথন্তৰ।
মন্ত্ৰী দুগৰাকীৰ কনভয়ৰ এখন বাহনক কেন্দ্ৰ কৰি কিছু সময় পথৰ দাঁতিতে থিয় হ’বলগীয়া পৰিস্থিতিৰ সৃষ্টি হয় বাক্সাৰ গোৱৰ্ধনাত।
উল্লেখ্য মন্ত্ৰী পীয়ুষ হাজৰিকাই খহনীয়া অঞ্চল পৰিদৰ্শন কৰাৰ পূৰ্বে নিৰ্মাণ কৰা পথত আৱদ্ধ হৈ পৰিল মন্ত্ৰীগৰাকীৰ কনভয়ৰ এখন ইন’ভা বাহন। বোকাময় পথছোৱাত মন্ত্ৰীৰ কনভয়ৰ বাহনখন আৱদ্ধ হৈ পৰাত মন্ত্ৰী পিয়ুষ হাজৰিকা আৰু ৰঞ্জিত কুমাৰ দাস কিছুসময়ৰ বাবে থিয় হৈ থাকিবলগীয়া হয় পথৰ দাঁতিতে।
ইফালে এই ঘটনা প্ৰত্যক্ষ কৰা এগৰাকী স্থানীয় বাসিন্দাই ক’লে- ‘ৰাস্তাটো আজিয়েই নিৰ্মাণ কৰিছে। আজি মন্ত্ৰী আহিব বুলিয়েই নিৰ্মাণ কৰিছে। ইমানদিনে নিৰ্মাণ কৰাই নাছিলে। ৰাস্তাৰ অৱস্থাটো গ’লেই।
আজি মন্ত্ৰী আহিব বুলিয়েই ইমাৰজেঞ্চী কাম কৰিছে। সেইকাৰণে আজি গাড়ী আৱদ্ধ হৈ আছে। ইমানদিনেই চকু দিয়া নাছিল। আজি মন্ত্ৰী আহিব বুলিয়েই জোৰা টাপলি মাৰি ৰাস্তাটো সম্পূৰ্ণ কৰিছে।
স্থানীয় বাসিন্দাৰ ভাষ্য-
Photo, Visual & Input: জাহিৰুল ইছলাম
Discussion about this post