জানি থওক! ভুলতেও কাৰোৰে পৰা এইবোৰ বস্তু বিনামূলীয়াকৈ (Free) নল’ব; নহ’লে দৰিদ্ৰতাই লগ নেৰিব, হ’ব ধনৰ (Money) অভাৱ, পিছে আহক জানো কি কি বস্তু?

Vastu Tips for Money: বাস্তু শাস্ত্ৰত কিছুমান এনে গুৰুত্বপূৰ্ণ নিয়মো কোৱা হৈছে, যিবোৰত গুৰুত্ব নিদিলে জীৱনত বিভিন্নধৰণৰ সমস্যাৰ সৃষ্টি হ’ব পাৰে। তেনে এটা নিয়ম হ’ল কিছুমান বস্তু বিনামূলীয়াকৈ গ্ৰহণ নকৰা। যদি এই বস্তুবোৰ কাৰোবাৰ পৰা বিনামূলীয়াকৈ লোৱা হয় তেনেহ’লে ইয়াৰ পৰা বাস্তু দোষৰ সৃষ্টি হয়। লক্ষ্মী মা অসন্তুষ্ট হয় আৰু জীৱনত দ্ৰুতগতিত দৰিদ্ৰতা আহি যায়। বাৰে বাৰে ধন হেৰুৱাই, প্ৰগতিৰ পথ বন্ধ হৈ যায়।

আহক জানো কি কি বস্তু ভুলতেও বিনামূলীয়াকৈ লোৱা উচিত নহয়-

১. নিমখ (Salt)- বাস্তু আৰু জ্যোতিষশাস্ত্ৰ অনুসৰি নিমখৰ সম্বন্ধ শনিৰ সৈতে আছে। যদি কাৰোবাৰ পৰা বিনামূলীয়াকৈ নিমখ লৈ ব্যৱহাৰ কৰা হয় তেন্তে সেই লোকজনৰ ধাৰ বাঢ়ে। সেই লোকজনক বহু ৰোগে আগুৰি ধৰে আৰু চাওত চাওতে সেই লোকজনৰ আৰ্থিক অৱস্থাৰ অৱনতি ঘটে।

২. বেজী (Needle)- বিনামূলীয়াকৈ কাৰোৰে পৰা কেতিয়াও বেজী নল’ব। এনে কৰিলে সম্পৰ্ক নষ্ট হয়। বিনামূলীয়াকৈ লোৱা বেজী ব্যৱহাৰ কৰিলে বৈবাহিক জীৱন আৰু প্ৰেমৰ সম্পৰ্কৰ ওপৰত বেয়া প্ৰভাৱ পৰে। লগতে আৰ্থিকভাবে লোকচানো হয়। গতিকে বেজী নিজে কিনিহে ব্যৱহাৰ কৰক।

৩. ৰুমাল (Handkerchief)- কাৰোবাৰ ৰুমাল ব্যৱহাৰ কৰা বা উপহাৰ হিচাপে ৰুমাল দিয়া ডাঙৰ ক্ষতিৰ কাৰণ হ’ব পাৰে। বিনামূলীয়াকৈ লোৱা ৰুমালৰ ব্যৱহাৰ কৰা সম্পৰ্কিত লোকজনৰ সৈতে আপোনাৰ কাজিয়াৰ কাৰণ হ’ব পাৰে। তাৰ দ্বাৰা সম্পৰ্ক ভাঙিব পাৰে।

আৰু পঢ়কঃ https://khatangkhobor.com/lifestyle/lifestyle-tips-dream-science-types-of-dreams-and-their-meanings/12593/

৪. লোহা (Iron)- লোহাৰ সৈতেও শনিৰ সম্পৰ্ক আছে। কুন্দলীত যদি শনি অশুভ হৈ আছে তেন্তে শনিৰ সৈতে সম্পৰ্কিত বস্তুদান কৰিব লাগে। যাতে সমস্যাবোৰৰ পৰা সকাহ পাব পাৰি। একে সময়তে কাৰোবাৰ পৰা বিনামূলীয়াকৈ লোহা বা লোৰ সামগ্ৰী লোৱাটো সমস্যাবোৰ নিজেই আমন্ত্ৰণ কৰা। ইয়াৰ ফলত ঘৰত দৰিদ্ৰতা, জীৱনত বাধা, চাপ আদিৰ কাৰণ হয়।

৫. তেল (Oil)- শনিৰ দুখ-কষ্টৰ পৰা সকাহ পাবলৈ তেল দান কৰা বা শনি দেৱক তেল আগবঢ়োৱাটো এক অতি কাৰ্যকৰী উপায় বুলি গণ্য কৰা হয়। একে সময়তে, কাৰোবাৰ পৰা বিনামূলীয়াকৈ তেল ল’লে আপোনাক ডাঙৰ সমস্যাত পেলাব পাৰে। এনে কৰাৰ দ্বাৰা, আপুনি আৰ্থিক লোকচানৰ সন্মুখীন হ’ব পাৰে, আপুনি বেয়াকৈ আৰ্থিক সমস্য়াৰ ভুক্তভোগী হ’ব পাৰে।

(Disclaimer: ইয়াত প্ৰদান কৰা তথ্য সাধাৰণ অনুমান আৰু তথ্যৰ ওপৰত আধাৰিত। Khatang Khobor য়ে এইটো নিশ্চিত নকৰে।)

Photo: Google

আৰু পঢ়কঃ https://khatangkhobor.com/news/assam/horrific-road-accident-4-man-died-at-nalbari-in-assam-3/12606/