ইজৰাইলৰ সমৰ্থনত ওলাই আহিল ইজৰাইলী অভিনেত্ৰী ৰোনা লি শ্বিমন

৭ অক্টোবৰৰ পুৱা প্ৰায় ৬ বজাত হঠাতে পেলেষ্টাইন সমৰ্থক সন্ত্ৰাসবাদী সংগঠন হামাছে ইজৰাইলৰ ওপৰত ৰকেটৰে আক্ৰমণ কৰে ৷ ইজৰাইলত হামাছৰ আক্ৰমণৰ পিচতে শ শ লোকে প্ৰাণ হেৰুৱাবলগীয়া হয় । এতিয়া ইজৰাইলৰ সমৰ্থনত ওলাই আহিছে ইজৰাইলৰ ৱেব ছিৰিজ ‘ফৌডা’ত অভিনয় কৰা অভিনেত্ৰী ৰোনা-লি শ্বিমন (Rona–Lee Shimon) ৷ অভিনেত্ৰীগৰাকীয়ে হামাছৰ সন্ত্ৰাসবাদীয়ে আক্ৰমণ কৰা নিজৰ দেশ (ইজৰাইল)ৰ সমৰ্থনত ওলাই অহা সকলোকে ধন্যবাদ জ্ঞাপন কৰে । লগতে অভিনেত্ৰীগৰাকীয়ে কয়, ‘‘ইজৰাইলৰ প্ৰতিগৰাকী নাগৰিকে পণবন্দীসকলক ঘূৰাই অনাৰ কাৰ্যক সমৰ্থন কৰি আছে । আমি আমাৰ সেনাবাহিনীক সহায় কৰি আছো ।”