হত্যা নে আত্মহত্যা! ৬ মহলীয়া বিল্ডিঙৰ পৰা পৰি কৰুণ মৃত্যু ভিডিঅ’ সাংবাদিকৰ; বিল্ডিঙৰ তলত উদ্ধাৰ মৃতদেহ, ৰহস্যৰ আৱৰ্তত সম্পূৰ্ণ ঘটনা…

মহানগৰীৰ লাচিত নগৰত (Guwahati Lachit Nagar) সংঘটিত হৈছে এক চাঞ্চল্যকৰ ঘটনা। সোমবাৰে নিশা ৬ মহলীয়া বিল্ডিঙৰ পৰা পৰি মৃত্যু ভিডিঅ’ সাংবাদিকৰ (Video Journalist Died)। পুৱা বিল্ডিঙৰ তলত উদ্ধাৰ মৃতদেহ যুৱকজনৰ। কৰুণ মৃত্যুক সাৱটি লোৱা যুৱকজনৰ নাম দেৱজিত শৰ্মা (Debojit Sarma)।

গুৱাহাটীৰ এটা ৱেব পৰ্টেলত কৰ্মৰত আছিল দেৱজিত। ইফালে ঘটনা সন্দৰ্ভত স্থানীয় ৰাইজে সন্দেহ প্ৰকাশ কৰিছে যে কোনোৱে যুৱকজনক পৰিকল্পিতভাবে হত্যা (Murder Case) কৰি অঘটন হোৱা দেখুৱাইছে। ইফালে কোনো কোনো লোকৰ যুৱকজনে আত্মহত্যা কৰাৰ সন্দেহ। দীৰ্ঘদিনে যুৱকজন মানসিক অশান্তিত ভুগি থকা বুলি প্ৰকাশ কৰিছে তেওঁৰ সতীৰ্থই।

এতিয়া আৰক্ষীৰ তদন্ততহে ঘটনাটোৰ ৰহস্য পোহৰলৈ আহিব। এয়া হত্যা নে আত্মহত্যা। ঘটনাস্থলীত আৰক্ষী উপস্থিত হৈ মৃতদেহটো মৰণোত্তৰ পৰীক্ষাৰ বাবে প্ৰেৰণ কৰিছে।

Photo: Khatang Khobor

আৰু পঢ়কঃ https://khatangkhobor.com/news/national/decision-on-petition-declare-cow-as-national-animal-in-supreme-court/12204/