আচৰিত ঘটনা! ভগ্নীৰ ধৰ্ষণৰ প্ৰতিশোধ ল’লে ‘দলবদ্ধ ধৰ্ষণ’ৰে; ২জন ভাতৃৰ বিৰুদ্ধে এই গুৰুতৰ অভিযোগৰ সত্যতা কি?

মধ্য প্ৰদেশ (Madhya Pradesh)ৰ ৰেৱা (Rewa)ৰ পৰা এক আচৰিত ঘটনা (Revenge Rape) পোহৰলৈ আহিছে। তাত ধৰ্ষণৰ অভিযুক্তৰ ভগ্নীয়ে দুজন যুৱকৰ বিৰুদ্ধে দলবদ্ধ ধৰ্ষণ কৰাৰ অভিযোগ উত্থাপন কৰিছে (Gang Rape)। ঘটনাটো পোহৰলৈ অহাৰ পিছত অঞ্চলটোত হুলস্থুল পৰিৱেশৰ সৃষ্টি হৈছে।

এই ঘটনাটোক লৈ কিছুমানে ইয়াক ধৰ্ষণৰ বিনিময়ত ধৰ্ষণৰ গোচৰ বুলি অভিহিত কৰিছে, ইফালে কিছুমানে ইয়াক বুজাবুজিৰ বাবে ধৰ্ষণৰ গোচৰৰ জালত পেলাবলৈ ষড়যন্ত্ৰ বুলিও অভিহিত কৰিছে।

যুৱতীগৰাকীয়ে থানাত ক’লে সম্পূৰ্ণ ঘটনা
নিউজ 18-ৰ এক প্ৰতিবেদন অনুসৰি, এই ঘটনাটো ৰেৱাৰ গড় আৰক্ষী থানা এলেকাত সংঘটিত হৈছিল। যুৱতীগৰাকীয়ে নিজেই আৰক্ষী চকীলৈ গৈছিল আৰু অভিযুক্ত যুৱকসকলৰ বিৰুদ্ধে অভিযোগ দাখিল কৰিছিল। আৰক্ষীয়ে অভিযুক্তজনৰ বিৰুদ্ধে ভাৰতীয় দণ্ডবিধিৰ (IPC) প্ৰাসংগিক ধাৰাৰ অধীনত এটা গোচৰ ৰুজু কৰিছে। ঘটনাটোৰ পিছৰে পৰা দুয়োজন অভিযুক্ত পলাতক হৈ আছে।

আৰক্ষী বিষয়াজনে কৈছিল যে আৰক্ষীৰ দলটোৱে ঘটনাটোৰ তদন্ত কৰি আছে। তথ্যৰ ওপৰত ভিত্তি কৰি পৰৱৰ্তী পদক্ষেপ গ্ৰহণ কৰা হ’ব। যিও দোষী হওক তাৰ বিৰুদ্ধে কঠোৰ ব্যৱস্থা গ্ৰহণ কৰা হ’ব।

ঘটনাটোৰ দিনা কি ঘটিছিল?
আৰক্ষী চকীত দাখিল কৰা অভিযোগ অনুসৰি, যোৱা দেওবাৰে যুৱতীগৰাকীৰ পিতৃ-মাতৃ মজুৰিৰ বাবে ঘৰৰ বাহিৰলৈ গৈছিল। তাই ঘৰত অকলে আছিল। তেতিয়াই অভিযুক্ত ভাতৃ দুজনে যুৱতীগৰাকীৰ ঘৰত বলপূৰ্বক প্ৰৱেশ কৰিছিল আৰু ঘৰটো ভিতৰৰ পৰা বন্ধ কৰি দিছিল। তাৰ পিছত যুৱতীগৰাকীক ধৰ্ষণ কৰিছিল আৰু অপৰাধ কৰাৰ পিছত ঘটনাস্থলীৰ পৰা পলায়ন কৰিছিল।

৭ মাহ পূৰ্বে অভিযুক্তৰ ভগ্নীক কৰিছিল ধৰ্ষণ
উল্লেখ্য যি দুজন ভাতৃৰ বিৰুদ্ধে দলবদ্ধ ধৰ্ষণৰ অভিযোগ উত্থাপন হৈছে, ৭ মাহ পূৰ্বে তেওঁলোকৰ ভগ্নীয়ে এজন যুৱকৰ বিৰুদ্ধে ধৰ্ষণৰ অভিযোগ উত্থাপন কৰিছিল, যি শেহতীয়া গোচৰটোৰ ভুক্তভোগী যুৱতীগৰাকীৰ ভাতৃ। আৰক্ষীয়ে সন্দেহ কৰিছে যে অভিযোগটো মিছাও হ’ব পাৰে আৰু সেয়েহে বিষয়টো গভীৰভাৱে তদন্ত কৰা হৈছে।

Photo: Google