Fight Against Corruption: আপোনাৰ কোনো কাম কৰি দিয়াৰ নামত চৰকাৰী বিষয়া বা কৰ্মচাৰীয়ে ধন দাবী (Bribe) কৰিলে যোগাযোগ কৰক এই দুটা নম্বৰত; দুৰ্নীতি নিবাৰক শাখাই হাতে-লোটে পেলাব ধৰা

Fight Against Corruption: যদি আপোনাৰ কোনো কাম কৰি দিয়াৰ নামত কোনো চৰকাৰী বিষয়া বা কৰ্মচাৰীয়ে ধন দাবী কৰিছে (Money Demanding), তেন্তে তেনে দুৰ্নীতিগ্ৰস্ত বিষয়া-কৰ্মচাৰীক হাতে-লোটে ধৰা পেলাবলৈ তথ্যসহ যোগাযোগ কৰক দুৰ্নীতি নিবাৰক শাখাৰ সৈতে (Directorate of Vigilance & Anti-Corruption)। দুৰ্নীতি নিবাৰক শাখাই মুকলি কৰিছে দুটাকৈ হেল্পলাইন নম্বৰ।

শুকুৰবাৰে বিশেষ আৰক্ষী সঞ্চালকপ্ৰধান জিপি সিঙে (Special DGP GP Singh) টুইটাৰত এই হেল্পলাইন নম্বৰ (Helpline Number) দুটা মুকলি কৰে।

আৰু পঢ়কঃ https://khatangkhobor.com/%e0%a6%95%e0%a7%8d%e0%a7%b0%e0%a6%be%e0%a6%87%e0%a6%ae/bribe-case-excise-department-officer-arrest-for-while-accepting-20000-by-directorate-of-vigilance-and-anti-corruption/10803/

বিশেষ আৰক্ষী সঞ্চালক প্ৰধানগৰাকীয়ে (Special DGP GP Singh) টুইটাৰত কয় যে, এই দুটা হেল্পলাইন নম্বৰ যোগে দুৰ্নীতিগ্ৰস্ত চৰকাৰী বিষয়া-কৰ্মচাৰী সন্দৰ্ভত তথ্যসহ ফোন বা মেছেজযোগে যোগাযোগ কৰিব পাৰিব সাধাৰণ নাগৰিকে। যাৰ জৰিয়তে দুৰ্নীতি নিবাৰক শাখাই তেনে দুৰ্নীতিগ্ৰস্ত বিষয়া-কৰ্মচাৰীক হাতে-লোটে কৰায়ত্ত কৰিব পাৰিব। “অনুগ্ৰহ কৰি টকা দিয়াৰ আগতে এজন চৰকাৰী কৰ্মচাৰীয়ে কৰা দাবীৰ নিৰ্দিষ্ট তথ্য দিয়ক। ইয়াৰ ফলত আমি ফান্দ পাতি হাতে-লোটে ধৰা পেলাব পাৰিম।’’

Please give specific information of demand made by a government employee before giving money. This would allow us to lay trap and catch them red-handed. টকা দিয়াৰ আগতে চৰকাৰী কৰ্মচাৰীয়ে কৰা দাবীৰ নিৰ্দিষ্ট তথ্য দিয়ক। ইয়াৰ ফলত আমি তেওঁলোকক ৰঙা হাতেৰে ধৰিব পাৰিম। pic.twitter.com/HOOxvfHlbw

— GP Singh (@gpsinghips) July 29, 2022

নাগৰিকক ঘোচৰ গোচৰৰ বিষয়ে খবৰ দিবলৈ মুকলি কৰা হেল্পলাইন নম্বৰ দুটা হ’ল- 03612462295 আৰু 18003453767ত খবৰ দিবলৈ আহ্বান জনায় জিপি সিঙে।

উল্লেখ্য যে, শুকুৰবাৰে মৰিগাঁও (Morigaon) আৰু ডিব্ৰুগড় (Dibrugarh) জিলাত অভিযান চলাই দুৰ্নীতি নিবাৰক শাখাই (Directorate of Vigilance & Anti-Corruption) উৎকোচ (Bribe) লোৱাৰ সময়তে দুগৰাকীকৈ চৰকাৰী বিষয়াক হাতে-লোটে কৰায়ত্ত কৰিবলৈ সক্ষম হৈছিল।

Photo: Google

আৰু পঢ়কঃ https://khatangkhobor.com/news/assam/tamulpur-cops-burnt-39-lakh-drugs-and-tablet-at-tamulpur-in-assam/10821/