বৈধ নথি অবিহনে মহানগৰীত থকাৰ অপৰাধত গুৱাহাটীত গ্ৰেপ্তাৰ পোলেণ্ডৰ নাগৰিক !!

গুৱাহাটীঃ বৈধ নথি অবিহনে ৰাজ্যখনত অবৈধভাৱে থকাৰ অভিযোগত অসম আৰক্ষীৰ সীমান্ত শাখাই গুৱাহাটীৰ পৰা গ্ৰেপ্তাৰ কৰিছে এজন পোলেণ্ডৰ নাগৰিকক।

যোৱা ১ ছেপ্টেম্বৰত হাতীগাঁও আৰক্ষীৰ সীমান্ত শাখাই গুৱাহাটীৰ ৩ নং বশিষ্টপুৰ বাইলেনত থকা ভাড়াঘৰৰ পৰা গ্ৰেপ্তাৰ কৰিছিল অজনিকা মিলছ এণ্টনি (Oznika Milos Antony) নামৰ পোলেণ্ডৰ নাগৰিকগৰাকীক।

তেওঁৰ বিৰুদ্ধে বিদেশী আইনৰ ১৪বি ধাৰাত গোচৰ ৰুজু কৰা হৈছে।

বিগত ৭ বছৰ ধৰি অবৈধভাৱে অসমত থাকিছিল এণ্টনি। ২০১৬ চনলৈকে তেওঁৰ বৈধ ভিছা আছিল যদিও পাছপ’ৰ্ট হেৰুৱাই মাত্ৰ ডুপ্লিকেট কপিহে দেখুৱাব পাৰিছিল। ডুপ্লিকেট কপি ২০২৬ চনলৈকে বৈধ।