Rahul in Srinagar, to meet those injured in Pahalgam terror attack
২২ এপ্ৰিল তাৰিখে পেহেলগামত সংঘটিত হোৱা ভয়ানক সন্ত্ৰাসবাদী আক্ৰমণৰ পিছত লোকসভাৰ বিৰোধী দলৰ নেতা তথা কংগ্ৰেছৰ সাংসদ ৰাহুল গান্ধী শুকুৰবাৰে জম্মু-কাশ্মীৰৰ শ্ৰীনগৰত উপস্থিত হয়।
২০১৯ চনত চি আৰ পি এফৰ ৪০ জন জোৱান শ্বহীদ হোৱা পুলৱামা আক্ৰমণৰ পিছত কাশ্মীৰ উপত্যকাত সংঘটিত হোৱা এই আক্ৰমণ অন্যতম মাৰাত্মক আক্ৰমণ।
আমেৰিকালৈ আনুষ্ঠানিক ভ্ৰমণলৈ যোৱা ৰাহুল গান্ধীয়ে আক্ৰমণৰ খবৰ পোৱাৰ পিছত খৰখেদাকৈ যাত্ৰা কৰ্তন কৰি বৃহস্পতিবাৰে পুৱাই নতুন দিল্লীলৈ উভতি আহে।
কংগ্ৰেছৰ সূত্ৰই জনোৱা মতে, শ্ৰীনগৰত উপস্থিত হোৱাৰ লগে লগে ৰাহুল গান্ধীয়ে দক্ষিণ কাশ্মীৰৰ অনন্তনাগৰ চৰকাৰী চিকিৎসা মহাবিদ্যালয় (জিএমচি) পৰিদৰ্শন কৰিব, য’ত আক্ৰমণত আহতসকল চিকিৎসাধীন হৈ আছে। তেওঁ আহতসকলৰ স্বাস্থ্যৰ বিষয়ে খা-খবৰ কৰিব আৰু তেওঁলোকৰ পৰিয়ালক সাক্ষাৎ কৰি সমবেদনা জনাব।
এই ভ্ৰমণৰ জৰিয়তে ৰাহুল গান্ধীয়ে আক্ৰমণৰ বলি হোৱা পৰিয়ালৰ কাষত থিয় হোৱাৰ বাৰ্তা প্ৰেৰণ কৰিব বিচাৰিছে আৰু সন্ত্ৰাসবাদৰ বিৰুদ্ধে দেশৰ ঐক্যৰ ওপৰত গুৰুত্ব আৰোপ কৰিব বিচাৰিছে।
Discussion about this post