লখিমপুৰত বৃহস্পতিবাৰৰ বিয়লি সংঘটিত হ’ল এক শোকাৱহ ঘটনা সংঘটিত হৈছে। সোৱণশিৰিৰ বুকুত সলিলসমাধি ঘটিল তিনি জনকৈ যুৱকৰ। এই ঘটনা সংঘটিত হ’ল বধাকৰাত।
বধাকৰাৰ সোৱণশিৰি হাটীয়েমৰা ঘাটত গা ধুবলৈ গৈ সলিলসমাধি ঘটিল মৈদমীয়াৰ চাজাদুল ইছলাম, মামুদ হাচান আৰু আন্নান হুছেইন নামৰ এই তিনি যুৱকৰ।
আন সাতজন যুৱকৰ সৈতে নদীখনৰ বুকুত গা ধুবলৈ নামিছিল এই তিনি যুৱকো। কিন্তু দুৰ্ভাগ্যজনকভাৱে সোৱণশিৰি কোবাল সোঁতে উটুৱাই লৈ যায় চাজাদুল, মামুদ আৰু আন্নানক।
এই মুহূৰ্তলৈকে আন্নান আৰু মামুদৰ মৃতদেহ উদ্ধাৰ হৈছে যদিও সন্ধান পোৱা নাই চাজাদুলৰ। লখিমপুৰ সদৰ আৰক্ষী আৰু বগিনদী আৰক্ষী ঘটনাস্থলীত উপস্থিত হৈ NDRFৰ তীব্ৰ অভিযান অব্যাহত আছে ।
Photo & Input: অসীম ৰঞ্জন ভূঞা
Discussion about this post