কলিয়াবৰত ভয়ংকৰ পথ দুৰ্ঘটনা; দুৰ্ঘটনাৰ পিছতে টায়াৰ জ্বলাই প্ৰতিবাদ

কলিয়াবৰৰ (Kaliabar) আমবাগানত ভয়ংকৰ পথ দুৰ্ঘটনা (Road Accident)। পথ দুৰ্ঘটনাক কেন্দ্ৰ কৰি উত্তপ্ত পৰিস্থিতি সৃষ্টি হয়। নগাঁও-নলতলি সংযোগী ৰাজ্যিক ঘাইপথত সংঘটিত হৈছে এই পথ দুৰ্ঘটনা।

পথ দুৰ্ঘটনা (Road Accident) সংঘটিত হোৱাৰ পিছতেই টায়াৰ জ্বলাই প্ৰতিবাদ (Protest) সাব্যস্ত কৰিছে স্থানীয় ৰাইজে। বৰ্তমান যাতায়ত ব্যাহত হৈ পৰিছে আমবাগানত। আমবাগানৰ তিনি আলিত দ্ৰুতবেগী ব্ৰেজা গাড়ীয়ে মহতিয়াই নিলে চাইকেল আৰোহীক।

দুৰ্ঘটনাটোৰ ফলত ৭জন লোক গুৰুতৰভাৱে আহত (Injured) হয়। দুৰ্ঘটনা সংঘটিত কৰা গাড়ীখনৰ পঞ্জীয়ন নং AS02 AF 8458। ঘটনাস্থলীত আমবাগান আৰক্ষী উপস্থিত হৈ আহত লোকসকলক চিকিৎসালয়লৈ প্ৰেৰণ কৰে।

শীঘ্ৰেই গতিৰোধক প্ৰদানৰ দাবী ক্ষুদ্ধ ৰাইজৰ। উল্লেখ্য কেইদিনমানৰ পূৰ্বে আমবাগানত এটি পথ দুৰ্ঘটনাৰ বাবে ৰাইজে পথ অৱৰোধ কৰি প্ৰতিবাদ (Protest) সাব্যস্ত কৰিছিল গতিৰোধৰ ব্যৱস্থা কৰি দিবৰ বাবে কিন্তু আজি পৰ্যন্ত গা লৰা নাই বিভাগীয় কৰ্তৃপক্ষৰ।

Photo & Input: ৰাজ হাজৰিকা