কৰুণ ঘটনা! বিয়ালৈ মাজত মাথোঁ আছিল এমাহ; বিয়াৰ পূৰ্বে নিজকে সজাই তুলিবলৈ মূৰত কৰিছিল চুলি সংৰোপণ (Hair Transplant), কিন্তু সেয়াই হৈ উঠিল কাল…

বিহাৰ আৰক্ষীৰ (Bihar Police) এজন জোৱানে বিয়াৰ পূৰ্বে চুলি সংৰোপণ (Hair Transplant) কৰোৱাইছিল। বিয়া ১১ মে’ত হোৱাৰ কথা আছিল। কিন্তু চুলি সংৰোপণৰ ২৪ ঘণ্টা পিছত, আৰক্ষীজনৰ স্বাস্থ্যৰ অৱনতি ঘটিছিল। তেওঁক এখন চিকিৎসালয়ত ভৰ্তি কৰোৱা হৈছিল য’ত চিকিৎসাৰ সময়ত তেওঁৰ মৃত্যু হৈছিল।

বিহাৰৰ (Bihar) ৰাজধানী পাটনাত (Patna) এজন আৰক্ষী জোৱানৰ মৃত্যু (Special Armed Police Constable) হয়। আৰক্ষীৰ জোৱানজনে ২৪ ঘণ্টা আগতে চুলি সংৰোপণ কৰোৱাইছিল। চুলি সংৰোপণৰ পিছত জোৱানজন তেওঁৰ কোৱাৰ্টাৰলৈ গৈছিল। ৰাতি তেওঁৰ স্বাস্থ্যৰ অৱনতি ঘটিবলৈ ধৰিছিল। তেওঁৰ মূৰত বিষ আৰু বুকুত জ্বলা-পোৰা হ’বলৈ আৰম্ভ কৰিছিল। জোৱানজনৰ অৱস্থাৰ অৱনতি হোৱা দেখি তেওঁৰ সহকৰ্মীসকলে তেওঁক চুলি সংৰোপণ কেন্দ্ৰলৈ লৈ যায়, য’ৰ পৰা তেওঁক চিকিৎসাৰ বাবে আন এখন চিকিৎসালয়লৈ প্ৰেৰণ কৰা হয়। য’ত চিকিৎসাৰ সময়ত তেওঁৰ মৃত্যু ঘটিছিল।

প্ৰাপ্ত তথ্য অনুসৰি, বিহাৰ বিশেষ সশস্ত্ৰ আৰক্ষী (BSAP)ত নিযুক্ত জোৱান মনোৰঞ্জন পাছৱানৰ (Manoranjan Paswan) চুলি সৰি গৈছিল। তেওঁৰ বিয়া ১১ মে’ত অনুষ্ঠিত হোৱাৰ কথা আছিল। এনে পৰিস্থিতিত তেওঁ চুলি সংৰোপণ (Hair Transplant) কৰাৰ সিদ্ধান্ত লৈছিল। মনোৰঞ্জন পাছৱানে চুলি সংৰোপণৰ বাবে পাটনাৰ বোৰিং ৰোডৰ হেয়াৰ ট্ৰান্সপ্লান্ট এণ্ড স্কিন কেয়াৰ চেণ্টাৰৰ কাষ চাপিছিল। চেণ্টাৰৰ পৰা তেওঁৰ চিকিৎসা আৰম্ভ হৈছিল। ৯ মাৰ্চ, বুধবাৰে মনোৰঞ্জন পাছৱানৰ চুলি সংৰোপণ কৰা হৈছিল।

স্বাস্থ্যৰ অৱনতি ঘটাতসংগীয়ে তেওঁক চিকিৎসালয়লৈ লৈ গৈছিল
চুলি সংৰোপণৰ পিছত মনোৰঞ্জন পাছৱান তেওঁৰ পুলিচ কোৱাৰ্টাৰলৈ গৈছিল। নিশা চিকিৎসকৰ মতে, তেওঁ খোৱা-বোৱা কৰাৰ পিছত শুবলৈ গৈছিল। তাৰ পিছত তেওঁৰ মূৰত তীব্ৰ বিষ হ’বলৈ ধৰিলে। যেতিয়া তেওঁ তেওঁৰ সহকৰ্মীসকলক অৱগত কৰিছিল এই কথা, সংগীসকলে তেওঁক হেয়াৰ ট্ৰান্সপ্লান্ট এণ্ড স্কিন কেয়াৰ চেণ্টাৰলৈ লৈ গৈছিল য’ত তেওঁক চুলি সংৰোপণ কৰিছিল। চিকিৎসালয়ত উপস্থিত চিকিৎসকে মনোৰঞ্জন পাছৱানক চাইছিল আৰু তেওঁক ৰুবান মেম’ৰিয়েল হাস্পতাললৈ প্ৰেৰণ কৰিছিল, য’ত চিকিৎসাৰ সময়ত তেওঁৰ মৃত্যু হৈছিল।

জোৱানজনক সংকটজনক অৱস্থাত অনা হৈছিল: চিকিৎসক
ৰুবান মেম’ৰিয়েল হাস্পতালৰ ডাঃ এ কে সিঙে কৈছিল যে জোৱানজনক সংকটজনক অৱস্থাত অনা হৈছিল। তাত প্লাষ্টিক চাৰ্জন, কাৰ্ডিয়াক চাৰ্জন, ইণ্টাৰনেচনেল মেডিচিন আৰু আইচিইউৰ সকলো বিশেষজ্ঞই চিকিৎসা আৰম্ভ কৰিছিল, অৱশ্যে তেওঁ অলপ সময়ৰ ভিতৰতে হৃদৰোগত আক্ৰান্ত হৈ মৃত্যুবৰণ কৰিছিল।

পৰীক্ষাৰ প্ৰতিবেদন অহাৰ পিছতহে জানিব পৰা যাব কি ঔষধ দিয়া হৈছিল
পাটলিপুত্ৰ আৰক্ষী থানাৰ আৰক্ষীয়ে কৈছিল যে মৃতদেহটো মৰণোত্তৰ পৰীক্ষাৰ বাবে প্ৰেৰণ কৰা হৈছিল। চুলি সংৰোপণৰ বাবে কোনবোৰ ঔষধ দিয়া হৈছিল? কি প্ৰতিক্ৰিয়া হৈছিল? বিচৰা অনুসন্ধান প্ৰতিবেদন অহাৰ পিছতহে এইটো জনা যাব।

Photo: navbharattime

আৰু পঢ়কঃ https://khatangkhobor.com/news/assam/tragic-incident-police-jawan-died-when-he-sleeping-at-guwahati-in-assam/7514/