NCBৰ সোধা-পোছাৰ সময়ত এনেকুৱা অৱস্থা হ’ল Shah Rukh Khanৰ পুত্ৰ Aryan Khanৰ; ভিডিঅ’ত দেখা গ’ল চেহেৰাৰ ৰং

মুম্বাইৰ নাৰ্কোটিক্স কণ্ট্ৰ’ল ব্যুৰো (NCB)ৰ এটা দলে ২ অক্টোবৰ, শনিবাৰে এটা পাৰ্টিত অভিযান চলাইছিল। ইয়াৰ মাজতে ড্ৰাগছ উদ্ধাৰ কৰা হৈছে বুলি কোৱা হৈছিল। দৰাচলতে, মুম্বাইত এটা ৰেভ পাৰ্টি চলি আছিল য’ত অভিযান চলোৱা হৈছিল। এই গোচৰটোৰ তদন্ত চলি আছে। নাৰ্কোটিক্স কণ্ট্ৰ’ল ব্যুৰো (NCB)ৰ বিষয়া সমীৰ ৱানখেডে জনোৱা অনুসৰি, ৮ জন লোকক সোধা-পোছা অব্যাহত। ইয়াত বলীউড অভিনেতা শ্বাহৰুখ খানৰ (Shah Rukh Khan) পুত্ৰ আৰয়ান খান (Aryan Khan)ৰ নামো অন্তৰ্ভুক্ত আছে।

আৰয়ানৰ ভিডিঅ’ প্ৰকাশ
এতিয়া আৰয়ানৰ প্ৰথমটো ভিডিঅ’ এনচিবি কাৰ্যালয়ৰ পৰা পোহৰলৈ আহিছে। এই ভিডিঅ’টোত আৰয়ানক (Aryan Khan) ৰঙা আৰু ক’লা চেক চাৰ্ট পিন্ধা দেখা গৈছে। আৰয়ানৰ চেহেৰাৰ ৰং উৰি যোৱা যেন দেখা গৈছে। আৰয়ানক চিন্তাৰে চকীত বহি থকা দেখা গৈছে। আৰয়ানক NCBয়ে সোধা-পোছা কৰি আছে। আৰয়ানৰ এখন হাতত এটা বেগ দেখিবলৈ পোৱা গৈছে।

শ্বাহৰুখৰ পুত্ৰৰ মন্তব্য
NCBৰ সূত্ৰঅনুসৰি, অভিনেতা শ্বাহৰুখ খান (Shah Rukh Khan)ৰ পুত্ৰ আৰয়ানে জেৰাৰ সময়ত কৈছিল যে, তেওঁক ভিআইপি অতিথি হিচাপে মাতি অনা হৈছিল। তাত অহাৰ বাবে তেওঁলোকৰ পৰা কোনো মাচুল লোৱা হোৱা নাছিল। আৰয়ানে ক’লে, ‘তেওঁৰ নাম ব্যৱহাৰ কৰি বাকী অতিথিসমূহকো মতা হৈছিল।’

NCB প্ৰধানৰ দাবী
বিষয়টো সন্দৰ্ভত এনচিবিৰ মুৰব্বী এছ এন প্ৰধানে কয়, “এয়া দুসপ্তাহৰ তদন্তৰ ফলাফল। ইয়াৰ বাবে, আমি চোৰাংচোৱা তথ্যৰ ওপৰত কাম কৰিছিলো আৰু বলীউডৰ কিছুমান সম্পৰ্ক জড়িত হৈ আছে। এই সময়ছোৱাত বৃহৎ পৰিমাণৰ ড্ৰাগছ উদ্ধাৰ কৰা হৈছিল। গোচৰটোৰ তদন্ত চলি আছে।’ এনচিবিয়ে ২ অক্টোবৰত ইয়াৰ বিশেষ ইনপুটত অভিযান আৰম্ভ কৰিছিল। এই সময়ছোৱাত সকলো সন্দেহজনক লোকক তালাচী কৰা হৈছিল। তথ্য অনুসৰি, ৰেডত নিষিদ্ধ ড্ৰাগছ MDMA/ Ecstasy, কোকেইন, এমডিৰ বিভিন্ন ড্ৰাগছ আৰু ছৰছ উদ্ধাৰ হৈছে।

Photo: Zee News