Technologyৰ আগত ফেইল! ‘গুহ্যদ্বাৰ’ত (Rectum) ৪১ লাখ টকাৰ সোণ (Gold) লুকুৱাই আনিছিল এজন লোকে; এনেদৰে পৰিল ধৰা…

ৰাজস্থানৰ (Rajasthan) জয়পুৰ আন্তঃৰাষ্ট্ৰীয় বিমানবন্দৰত (Jaipur International Airport) শুল্ক বিভাগে (Custom Department) সোণ চোৰাং ব্যৱসায়ীসকলৰ বিৰুদ্ধে নিৰন্তৰ ব্যৱস্থা গ্ৰহণ অব্যাহত ৰাখিছে। ইয়াৰ মাজতে সোণ চোৰাং ব্যৱসায়ীসকলে শুল্ক বিভাগক বুঢ়া আঙুলি দেখুৱাবলৈ নতুন নতুন উপায় চেষ্টা কৰি আছে। অৱশ্যে, প্ৰযুক্তিক অতিক্ৰম কৰাৰ প্ৰচেষ্টা বিফল হৈছে। শনিবাৰে শুল্ক বিভাগৰ বিষয়াসকলে এজন যাত্ৰীৰ পৰা ৪১ লাখ টকাতকৈ অধিক মূল্যৰ সোণ উদ্ধাৰ কৰে। ইয়াৰ পূৰ্বে শুকুৰবাৰেও শুল্ক বিভাগৰ (Custom Department) বিষয়াসকলে ৪২ লাখ টকাতকৈও অধিক মূল্যৰ সোণ জব্দ কৰিছিল।

শনিবাৰে যিজন যাত্ৰীৰ পৰা সোণ (Gold Recover) উদ্ধাৰ কৰা হৈছিল, সেই লোকজনেও নিজৰ শৰীৰৰ ভিতৰত অৰ্থাৎ গুহ্যদ্বাৰৰ (Rectum) ভিতৰত পলিথিনত ৰাখি থোৱা তিনিটা কেপচুল লুকুৱাই আনিছিল। যাত্ৰীজনৰ চিকিৎসালয়ত চিটি স্কেন কৰাৰ পিছত চিকিৎসকে সোণখিনি উলিয়াই আনিছিল। এই কাৰ্য সন্দৰ্ভত সহকাৰী শুল্ক আয়ুক্ত ভাৰত ভূষণে কয় যে সন্দেহৰ ভিত্তিত এজন যাত্ৰীক ৰখোৱা হৈছিল আৰু সোধা-পোছা কৰা হয়। যাত্ৰীজন শাৰজাহৰ পৰা এয়াৰ আৰৱৰ বিমানেৰে জয়পুৰলৈ আহিছিল। তালাচীৰ সময়ত শৰীৰত কিবা লুকাই আছে, এনেকুৱা অনুভৱ হ’ল, যাৰ বাবে কৰ্তৃপক্ষই চিকিৎসা পৰীক্ষা কৰিছিল।

ইমান লাখ টকাৰ আছিল সোণ
চিটি স্কেনৰ পিছত গুহ্যদ্বাৰৰ (Rectum) পৰা ৩টা কেপচুল উদ্ধাৰ কৰা হৈছিল। ভাৰত ভূষণে কৈছিল যে এই তিনিটা কেপচুলত স্বচ্ছ পলিথিনত পেক কৰা হালধীয়া গুটিৰ পেষ্ট পোৱা গৈছিল, যাৰ ওজন মুঠ ৭৬৯.৫০ গ্ৰাম আৰু ইয়াৰ মূল্য প্ৰায় ৪১,৬২,৯৯৫ টকা। অভিযুক্তজনক গ্ৰেপ্তাৰ কৰা হৈছে আৰু জেৰা চলি আছে। শুল্ক আয়ুক্ত ৰাহুল নাগ্ৰেৰ নিৰ্দেশত সহকাৰী শুল্ক আয়ুক্ত ভাৰত ভূষণৰ নেতৃত্বত দলটোৱে এই কাৰ্য সম্পাদন কৰিছে।

Photo: ABP News

আৰু পঢ়কঃ https://khatangkhobor.com/miscellaneous/health/health-tips-raw-jackfruit-and-seeds-benefits-for-health/8450/