সাৱধান! এই Viral Videoটো শ্ল’-মোচনত যদি নাচাই তেন্তে আপুনিও হয়তো ধৰিবয়ে নোৱাৰিব যে আচলতে হ’ল কি? Watch Viral Video

Bihar’s Begusarai Snatches Phone From Train Passenger: বিহাৰৰ বেগুছৰাইত ফোন কাঢ়ি নিয়াৰ এটা আচৰিত ভিডিঅ’ ছচিয়েল মিডিয়াত পোহৰলৈ আহিছে। মোবাইল চুৰিৰ এই ঘটনাটো পাটনা আৰু বেগুছৰাইক সংযোগ কৰা ৰাজেন্দ্ৰ সেঁতু ৰে’ল দলঙত (Rajendra Setu Rail Bridge) সংঘটিত হৈছিল। ভিডিঅ’টো কেইবাটাও সামাজিক মাধ্যমৰ (Social Media) মঞ্চত ভাইৰেল হৈ আছে। এজন ব্যৱহাৰকাৰীয়ে টুইটাৰত ভিডিঅ’টোৰ এটা শ্ল’-মোচন ভাৰ্ছন পোষ্ট কৰিছে, য’ত দেখা পোৱা গৈছে যে কেনেকৈ এজন লোকে দলঙৰ ওপৰত থিয় হৈ এক ছেকেণ্ডৰ ভিতৰত যাত্ৰীৰ পৰা মোবাইল কাঢ়ি নিবলৈ সক্ষম হৈছিল।

এক ছেকেণ্ডৰ ভিতৰতে মোবাইলটো চুৰি কৰিছিল
দলঙৰ ওপৰত থিয় হৈ থকা এই ডকাইতবোৰে আধা ছেকেণ্ডৰ ভিতৰত বস্তু টানি লৈ যায় আৰু মানুহে গমে নাপায়। চলন্ত ৰে’লৰ পৰা যাত্ৰী নামিবয়ে নাপাই আৰু ডকাইতে ইয়াৰ সুবিধা লয়। ভিডিঅ’টোত দুজন যুৱকক কাটিহাৰৰ পৰা পাটনালৈ গৈ থকা ইণ্টাৰ চিটি এক্সপ্ৰেছ ৰে’লৰ খোলা গেটত বহি থকা দেখা গৈছে। সমীৰ কুমাৰ নামৰ এজন যুৱকক নিজৰ ফোনৰ পৰা গংগা নদীৰ এটা ভিডিঅ’ ৰেকৰ্ডিং কৰা দেখা পোৱা গৈছে। যেতিয়া সি ৰে’লৰ কম্পাৰ্টমেণ্টৰ কাষত বহি ভিডিঅ’ ৰেকৰ্ডিং কৰাত ব্যস্ত হৈ থাকে,
সমীৰে দলঙত ওলমি থকা ডকাইতক দেখা পায়।

চাওক Viral Video-

#ViralVideo: Thief uses Spiderman moves to stole phone from a moving train.

Video courtesy: ghantaa#viral #SpiderMan #thief #Northeastlive #Begusarai #Bihar pic.twitter.com/xA9JDorJJQ

— Northeast Live (@NELiveTV) June 10, 2022

ডকাইতে দ্ৰুতভাৱে সমীৰৰ হাতৰ পৰা মোবাইলটো কাঢ়ি লৈ যায়। কেইছেকেণ্ডৰ বাবে, সমীৰে অনুভৱে নকৰে যে কি হৈছে কাৰণ এই সকলোখিনি ইমান দ্ৰুতগতিত ঘটিছিল। তাৰ পিছত সি থিয় হয় আৰু তাৰ বন্ধুক কয় যে যিয়ে এটা ভিডিঅ’ কৰি আছিল আৰু এই ঘটনাটো কেমেৰাত বন্দী কৰিছিল যে কোনোবাই তাৰ ফোন চুৰি কৰিলে।

ৰাজেন্দ্ৰ সেতু দলঙত সংঘটিত এই ঘটনাটো কোনো নতুন ঘটনা নহয়। বহু ডকাইত দলঙত এনেদৰে ওলমি থাকে। ডকাইতে দলঙত নিজকে বান্ধিবলৈ ৰছীৰ ব্যৱহাৰ কৰে আৰু কাষত নিজৰ ভৰি সন্তুলন কৰি ৰে’লৰ পৰা সুৰক্ষিত দূৰত্ব বজাই ৰাখে।

ইমান কম সময়ৰ ভিতৰতে ঘটনাটো সংঘটিত হয় যে প্ৰথমতে যুৱকজনে মোবাইল চুৰি হোৱাৰ বিষয়ে একো অনুধাৱনেই কৰিব পৰা নাছিল। পিছতহে তেওঁ চুৰি হোৱাৰ বিষয়ে নিশ্চিত হয়।

মন কৰিব যে ৰে’লখনৰ গতিবেগ সেই ইমানেই দ্ৰুতগতিত চলি আছিল যে স্বাভাৱিক গতিৰে ভিডিঅ’টো চালে চুৰি কাণ্ডৰ মুহূৰ্তটো অনুমান কৰাটো কঠিন হৈ পৰে।

শ্ল’-মোচনটোত চালেহে স্পষ্ট হৈ পৰে যে দলংখনত কোনোবা ওলমি আছিল। আৰু ৰে’লত বহি থকা ডেকাজনৰ হাতৰ পৰা নিখুঁত দক্ষতাৰে ফোনটো কাঢ়ি লৈ যায়।

Photo: Twitter

আৰু পঢ়কঃ https://khatangkhobor.com/news/nias-rs-10-lakh-reward-for-searching-for-maoist-leader-sabyasachi-goswami/9654/