নিয়তিৰ কি নিষ্ঠুৰ পৰিহাস! আনন্দ মনেৰে বিয়া খাই ঘৰলৈ উভতি আহি আছিল; কিন্তু সেয়াই যেন কাল হৈ পৰিল, ভয়ংকৰ পথ দুৰ্ঘটনাত একেলগে প্ৰাণ হেৰুৱালে একেটা পৰিয়ালৰ ৫ গৰাকী লোকে

পঞ্জাৱৰ (Punjab) লুধিয়ানাত (Ludhiana) সংঘটিত হৈছে এক কৰুণ ঘটনা (Tragic Incident)। এক ভয়ংকৰ পথ দুৰ্ঘটনাত (Horrific Road Accident) একেলগে প্ৰাণ হেৰুৱালে একেটা পৰিলায়ৰ ৫ গৰাকীকৈ সদস্যই (5 Family Members Died)। আনন্দ মনেৰে বিয়া খাই ঘৰলৈ উভতি অহাৰ পথতে সংঘটিত হয় এই পথ দুৰ্ঘটনাটো।

জানিবলৈ দিয়া অনুসৰি, লুধিয়ানাৰ এটা পৰিয়ালে এক বিবাহ অনুষ্ঠানৰ পৰা উভতি অহাৰ সময়তে পুৱতি নিশা প্ৰায় ২.৪৫ বজাত চণ্ডীগড় ৰোডৰ (Chandigarh Road) ফৰ্টিছ হাস্পতালৰ সমীপত নিয়ন্ত্ৰণ হেৰুৱাই তেওঁলোকৰ বাহনখনে ডিভাইডাৰত খুন্দা মাৰে। তাৰ পিছতে সেই বাহনখনেই এটা বিদ্যুতৰ খুঁটাত খুন্দা মাৰি সম্পূৰ্ণৰূপে বিধ্বস্ত হৈ পৰে।

এই কৰুণ দুৰ্ঘটনাটোত বাহনখনত থকা ৰাজেশ, সঞ্জনা (৩০), মাহী (৫), খুশী (৩) আৰু জেচমিনৰ থিতাতে মৃত্যু ঘটে। ইফালে দুৰ্ঘটনাত গুৰুতৰভাৱে আহত হয় ৰাজেশৰ পত্নী প্ৰিয়া।

দুৰ্ঘটনাৰ পিছতে ঘটনাস্থলীত আৰক্ষীৰ দল উপস্থিত হৈ আহত মহিলাগৰাকীক লুধিয়ানাৰ খ্ৰীষ্টান মেডিকেল কলেজ এণ্ড হাস্পতালত ভৰ্তি কৰোৱায়। নিহত সকলৰ মৃতদেহ উদ্ধাৰ কৰি মৰণোত্তৰ পৰীক্ষাৰ বাবে প্ৰেৰণ কৰিছে আৰক্ষীয়ে। গাড়ীখন দ্ৰুতবেগত চলোৱাৰ বাবেই এই দুৰ্ঘটনাটো সংঘটিত হয়। ঘটনা সন্দৰ্ভত এটা গোচৰ ৰুজু কৰিছে আৰক্ষীয়ে। একেটা পৰিয়ালৰ ৫ জনকৈ সদস্যৰ এনেদৰে পথ দুৰ্ঘটনাত (Horrific Road Accident) মৃত্যু হোৱাৰ পিছতে অঞ্চলজুৰি তীব্ৰ চাঞ্চল্য়ৰ সৃষ্টি।

Photo: Google

আৰু পঢ়কঃ https://khatangkhobor.com/news/national/two-men-drilled-a-hole-in-the-wall-of-a-liquor-shop-nabbed-while-consuming-alcohol-watch-viral-video/11592/