‘Free Car Wash’ৰ সোণালী সুযোগ; ভাইৰেল হ’ল VIDEO

মঙলবাৰে পুৱা দিল্লী আৰু ইয়াৰ কাষৰীয়া অঞ্চলত ধাৰাসাৰ বৰষুণ হয়, যাৰ ফলত যান-বাহন চলাচল ব্যাহত হয় আৰু ৰাষ্ট্ৰীয় ৰাজধানীৰ বহু ঠাইত পানী জমা হয়। কোনোৱে ঘৰত একাপ চাহ লৈ বৰষুণ উপভোগ কৰি আছে আৰু কোনোৱে কামলৈ যাবলৈ ৰাস্তাত আৱদ্ধ হৈ আছে।

ইয়াৰ মাজতে ছচিয়েল মিডিয়াত এটা ভিডিঅ’ ভাইৰেল হৈ আছে য’ত ৰাজধানী চহৰৰ এখন উৰণীয়া সেঁতুৰ পৰা বৰষুণৰ পানী পৰি থকা দেখা গৈছে।

এনেকুৱা দেখিবলৈ পোৱা গ’ল দিল্লীৰ ‘জলপ্ৰপাত’
টুইটাৰ ব্যৱহাৰকাৰীসকলে ইয়াক দিল্লীৰ ‘জলপ্ৰপাত’ বুলি অভিহিত কৰিছে, আনহাতে আন ব্যৱহাৰকাৰীসকলে ইয়াক ‘বিনামূলীয়া কাৰ ৱাছ’ৰ এক সোণালী সুযোগ বুলি অভিহিত কৰিছে। যদিও ভিডিঅ’টোৱে কোনটো এলেকা দেখুৱাইছে সেয়া স্পষ্ট নহয়, কিছুমান ব্যৱহাৰকাৰীয়ে কৈছিল যে এইটো বিকাশপুৰী উৰণীয়া সেঁতুৰ আণ্ডাৰব্ৰীজৰ দৰে দেখা গৈছে।

World class facilities by Kejriwal

Free car wash on the go!! #DelhiRains #Delhi pic.twitter.com/KMCl8Kwh7k

— Resham 🇮🇳 (@MyPoint0fView_) August 31, 2021

বৰষুণে দিল্লীৰ ৰাস্তাৰ অৱস্থা বেয়া কৰি তোলে
দিল্লী-এনচিআৰৰ কেইবাটাও ঠাই যেনে নয়দা, গ্ৰেটাৰ নয়দা, গাজিয়াবাদ আৰু গুৰুগ্ৰামত ধাৰাসাৰ বৰষুণ হয়, যাৰ ফলত মুখ্য পথসমূহত পানী জমা হয় আৰু যান-জঁটৰ সৃষ্টি হয়। এইমছসহ শ্বাহজাহান ৰোড, ডব্লিউ পইণ্ট আইটিঅ’, ত্যাগৰাজ মাৰ্গ, লালা লাজপত ৰায় মাৰ্গ, মুলচান্দ আণ্ডাৰ পাছকে ধৰি কেইবাটাও মুখ্য পথত পানী জমা হোৱাৰ খবৰ পোৱা গৈছে।

We Got a WATERFALL IN DELHI. Thanks @ArvindKejriwal for making Niagara Falls in Delhi !! 🤩🤩 #DelhiRains #Delhi pic.twitter.com/gvxRkc1T4W

— Kunal Nath Madhav kD🇮🇳 (मोदी का परिवार) (@KunalNathMadha1) August 31, 2021

IMD বিভাগে সতৰ্কবাণী জাৰি কৰিছে
IMD বিভাগে মঙলবাৰে ৰাতিপুৱা এটা সতৰ্কবাণী জাৰি কৰিছিল যে পূব দিল্লী, দক্ষিণ-পূব দিল্লী, উত্তৰ দিল্লী, সোহানা, দুনহ, ঔৰঙ্গাবাদ, হোডাল, মানেছাৰ (হাৰিয়ানা), নয়দা, গ্ৰেটাৰ নয়দাৰ বিভিন্ন স্থানত পাতল বৰষুণ হোৱাৰ সম্ভাৱনা আছে।

Photo: Twitter