ৰোগীসকলৰ প্ৰতি আৰ.এম.পি. (R.M.P.) ৰ কৰ্তব্যৰ অধিসূচনাত কোৱা হৈছে যে,  ৰোগীৰ যত্ন লোৱা আৰ.এম.পি. (R.M.P.) কামৰ বাবে সম্পূৰ্ণৰূপে দায়বদ্ধ হ’ব আৰু এক যুক্তিসঙ্গত মাচুলৰ অধিকাৰী হ’ব।

অপমানজনক, উচ্ছৃংখল আৰু হিংসাত্মক ৰোগী বা আত্মীয়ৰ ক্ষেত্ৰত, আৰ.এম.পি. (R.M.P.) য়ে সকলো কথা নথিভুক্ত আৰু প্ৰতিবেদন কৰিব পাৰে । লগতে ৰোগীৰ চিকিৎসা কৰিবলৈ অস্বীকাৰ কৰিব পাৰে। এনে ৰোগীসকলক পৰৱৰ্তী চিকিৎসাৰ বাবে আন ঠাইলৈ প্ৰেৰণ কৰা হ’ব।

এই নতুন নিয়মবোৰে ভাৰতীয় চিকিৎসা পৰিষদৰ (MCI)  চিকিৎসা নৈতিকতা সংহিতা ২০০২ ৰ সলনি কৰিব। এয়া প্ৰথমবাৰৰ বাবে য’ত চিকিৎসকসকলে উচ্ছৃংখল আৰু হিংসাত্মক ৰোগীৰ চিকিৎসা কৰিবলৈ অস্বীকাৰ কৰাৰ অধিকাৰ থাকিব।

আৰ.এম.পি. (R.M.P.) য়ে কৈছে যে, কাক সেৱা আগবঢ়াব সেয়া তেওঁ বাছনি কৰিব পাৰিব। চিকিৎসকলে জীৱনৰ প্ৰতি ভাবুকি আহিব পৰা পৰিস্থিতি এৰিব পাৰিব। ইয়াৰ লগতে এয়াও কোৱা হৈছে যে, চিকিৎসকসকলে ঔষধ কোম্পানীৰ পৰা কোনো উপহাৰ, ভ্ৰমণ সুবিধা আদি গ্ৰহণ কৰিব নোৱাৰিব।

লগতে নিয়মত কোৱা হৈছে যে চিকিৎসাৰ পূৰ্বে কিমান টকা ব্যয় হ’ব সেয়া ৰোগী বা পৰিয়ালক জনাব লাগিব।