বনভোজেই হৈ পৰিল কাল! ২ সন্তানৰ সৈতে খেলি থাকোতেই পানীৰ মাজত সন্ধানহীন NRLৰ ইঞ্জিনিয়াৰ

পৰিয়ালৰ সৈতে প্ৰীতি ভোজ (Picnic) খাবলৈ আহি পানীত পৰি সন্ধানহীন (Missing) এজন লোক। গোলাঘাট (Golaghat) জিলাৰ অন্তৰ্গত থুৰামুখ ধনশিৰী নদীত সংঘটিত হৈছে এই ঘটনা। পৰিয়ালৰ সৈতে প্ৰীতি ভোজ খাবলৈ গৈ পানীত পৰি সন্ধানহীন NRLৰ ইঞ্জিনিয়াৰ ৰক্তিম বৰুৱা নামৰ লোকজন।

সন্ধানহীন ৰক্তিম বৰুৱাৰ ঘৰ ডিব্ৰুগড়ত বুলি জানিব পৰা গৈছে। উল্লেখ্য কৰ্মসূত্ৰে গোলাঘাট মিছন পট্টিত বাস কৰিছিল সন্ধানহীন (Missing) ৰক্তিম বৰুৱা। প্ৰত্যক্ষদৰ্শীৰ ভাষ্য অনুসৰি জানিব পৰা মতে ৰক্তিম বৰুৱাৰ পৰিয়ালৰ সহিতে তেওঁৰ দুজন বন্ধুৰ পৰিয়ালসহ আহিছিল প্ৰীতিভোজ খোৱাৰ উদ্দেশ্যে।

তাৰ মাজতে ৰক্তিম বৰুৱাৰ দুই সন্তানৰ সৈতে পানীৰ মাজত খেলা কৰি থকা অৱস্থাতে পানীৰ সোঁতত সন্ধানহীন (Missing) হয় ৰক্তিম বৰুৱা। উল্লেখ্য কথমপি প্ৰাণ ৰক্ষা পৰে দুই কণমানি সন্তানৰ।

বৰ্তমানলৈকে আৰক্ষীয়ে ৰক্তিম বৰুৱাৰ সন্ধান অব্যাহত ৰাখিছে যদিও বৰ্তমানলৈকে কোনো সম্ভেদ পাবলৈ সক্ষম হোৱা নাই আৰক্ষী প্ৰশাসন।

Photo & Input: কৃষ্ণাক্ষী বৰা

আৰু পঢ়কঃ https://khatangkhobor.com/miscellaneous/monkey-cut-his-beard-with-trimmer-in-salon-viral-video/4990/