পাইলটৰ চিগাৰেট (Cigarette) আসক্তিয়ে প্ৰাণ কাঢ়িলে ৬৬ গৰাকী বিমান যাত্ৰীৰ; ২০১৬ত সংঘটিত হোৱা এই ভয়ংকৰ দুৰ্ঘটনাৰ কাৰণ এতিয়া আহে পোহৰলৈ, সম্পূৰ্ণ ঘটনাটো এনেধৰণৰ…

২০১৬ চনৰ মে’ মাহত পেৰিছৰ পৰা কাহিৰালৈ যোৱা ইজিপ্ত এয়াৰৰ (EgyptAir) এখন বিমান দুৰ্ঘটনাগ্ৰস্ত হৈছিল। বিমানখনত থকা আটাইকেইজন ৬৬ গৰাকী লোক নিহত (Killed 66) হৈছিল। এতিয়া দুৰ্ঘটনাটোৰ কাৰণ ফ্ৰান্সৰ বিমান বিশেষজ্ঞসকলৰ প্ৰতিবেদনত উল্লেখ কৰা হৈছে। কোৱা হৈছে যে বিমানখনৰ পাইলটজনৰ চিগাৰেট আসক্তিৰ বাবেই (Pilot’s Lit Cigarette Sparked Fire) দুৰ্ঘটনাটো সংঘটিত হৈছিল। পাইলটজনে চিগাৰেট জ্বলাবলৈ লাইটাৰ জ্বলাইছিল। লাইটাৰৰ পৰা ওলোৱা Sparkৰ বাবে ককপিটত জুই লাগিছিল।

১৩৪ পৃষ্ঠাৰ ৰিপৰ্টত কোৱা হৈছে যে ফ্লাইট নম্বৰ MS804ৰ পাইলটে ককপিটত এটা চিগাৰেট জ্বলাইছিল (Cigarette Caused A Cockpit Fire) যাৰ ফলত জৰুৰীকালীন মাস্কৰ পৰা অক্সিজেন লিক হোৱাত জুই লাগিছিল। তত্বাৱধান অভিযন্তাসকলে অক্সিজেন মাস্কটো স্বাভাৱিকৰ পৰা জৰুৰীকালীন অৱস্থালৈ স্থানান্তৰ কৰিছিল। মাস্কত কাৰিকৰী বিজুতি আছিল, যাৰ ফলত তাৰ পৰা অক্সিজেন নিগৰিবলৈ আৰম্ভ কৰিছিল। পাইলট মহম্মদ ছাইদ আলী শৌকাইৰৰ চিগাৰেট সেৱনৰ ফলত এই দুৰ্ঘটনাটো সংঘটিত হৈছিল। ৰিপৰ্ট অনুসৰি, ইজিপ্তৰ পাইলটসকলে (Egyptian Pilots) নিয়মীয়াকৈ ককপিটত ধূমপান কৰিছিল। ২০১৬ চনলৈকে এয়াৰলাইনৰ দ্বাৰা ইয়াক নিষিদ্ধ কৰা হোৱা নাছিল। ৰিপৰ্টটো পেৰিছৰ আদালতলৈ প্ৰেৰণ কৰা হৈছে।

ঘটনাটো ২০১৬ চনৰ মে মাহত সংঘটিত হৈছিল
২০১৬ চনৰ মে’ মাহত এয়াৰবাছ এ320 পেৰিছৰ পৰা কাহিৰালৈ উৰা মাৰিছিল। ই ৰহস্যজনক পৰিস্থিতিত ক্ৰেট দ্বীপৰ ওচৰৰ পূব ভূমধ্য সাগৰত দুৰ্ঘটনাগ্ৰস্ত হৈছিল। দুৰ্ঘটনাটোত ইজিপ্তৰ ৪০ জন, ফ্ৰাঞ্চৰ ১৫ জন, ইৰাকৰ ২ জন, কানাডাৰ দুজন আৰু আলজেৰিয়া, বেলজিয়াম, ব্ৰিটেইন, চাদ, পৰ্তুগাল, চৌদি আৰৱ আৰু চুদানৰ এজনকৈ যাত্ৰী নিহত হৈছিল। বিমানখন ৩৭,০০০ ফুট উচ্চতাত উৰি আছিল। ই গ্ৰীক দ্বীপ (Greek Island) কাৰ্পাথোছৰ (Karpathos) পৰা প্ৰায় ২৪০ কিলোমিটাৰ দূৰত নাইকিয়া হৈছিল। দুৰ্ঘটনাটোৰ পিছত এটা ডাঙৰ অনুসন্ধান অভিযান আৰম্ভ কৰা হৈছিল। বিমানখনৰ ব্লেক বাকচ গ্ৰীচৰ ওচৰত সাগৰত পোৱা গৈছিল। দুৰ্ঘটনাটোৰ সময়ত, ইজিপ্তৰ কৰ্তৃপক্ষই দাবী কৰিছিল যে ঘটনাটো সন্ত্ৰাসবাদীৰ আক্ৰমণৰ ফলত হৈছিল।

Photo: Google

আৰু পঢ়কঃ https://khatangkhobor.com/miscellaneous/health/health-tips-health-benefits-of-watermelon-seeds/8624/