ভয়ংকৰ পথ দুৰ্ঘটনা! চকা ফুটি যোৱাৰ বাবেই নিয়ন্ত্ৰণ হেৰুৱাই পথৰ কাষৰ ফুটপাথত খুন্দা KTM বাইকৰ; কৰুণ মৃত্যুক সাৱটিলে ২১ বছৰীয়া দৰ্শিতে, কান্দোনত ভাঙি পৰিছে পৰিয়াল

কলিয়াবৰৰ (Kaliabar) ৰাজপথত এক ভয়ংকৰ পথ দুৰ্ঘটনা (Horrific Road Accident) সংঘটিত হয়। নিয়ন্ত্ৰণ হেৰুৱাই পদপথত খুন্দিয়াই দুৰ্ঘটনাত পতিত হয় এখন KTM বাইক। দুৰ্ঘটনাটোত থিতাতে এজন বাইক আৰোহী (One Youth Spot Died) নিহত হোৱাৰ লগতে গুৰুতৰভাৱে আহত হয় এজন যুৱক (one Youth Injured)।

নিহত যুৱকজন কলিয়াবৰ তিনিআলিৰ (Kaliabar Tiniali) ২১ বছৰীয়া দৰ্শিত বৰা। আনহাতে আহত বাইক আৰোহীজন কলিয়াবৰ ন-সত্ৰৰ ২১ বছৰীয়া মানস বৰা।

দুৰ্ঘটনাটো সংঘটিত হোৱাৰ লগে লগে গুৰুতৰভাবে আহত দুই বাইক আৰোহীক কলিয়াবৰ আৰক্ষীয়ে (Kaliabar Police) ততাতয়াকৈ প্ৰেৰণ কৰে জখলাবন্ধা চিকিৎসালয়লৈ। কিন্তু চিকিৎসকে মৃত ঘোষণা কৰে দৰ্শিত বৰা নামৰ যুৱকজনক।

জানিব পৰা মতে জখলাবন্ধাৰ পৰা কলিয়াবৰ তিনিআলি অভিমুখে ৰাষ্ট্ৰীয় ঘাইপথেৰে আহি আছিল দুই বাইক আৰোহী। ঘটনাস্থলীত উপস্থিত থকা লোকসকলে জানিবলৈ দিয়া অনুসৰি চলন্ত অৱস্থাতে বাইকৰ সন্মুখৰ চকা ফুটি যোৱাৰ বাবেই নিয়ন্ত্ৰণ হেৰুৱাই ঘাইপথৰ দাঁতিৰ পদপথত খুন্দিয়াই চুচৰি যায় দুই বাইক আৰোহী।

Photo & Input: অনুপ বৰা

Published By: Dulu Medhi

আৰু পঢ়কঃ https://khatangkhobor.com/%e0%a6%95%e0%a7%8d%e0%a7%b0%e0%a6%be%e0%a6%87%e0%a6%ae/kannauj-inspector-raped-the-mother-who-came-to-seek-justice-for-the-daughter-at-kannauj-in-uttar-pradesh/11461/