ভয়ংকৰ পথ দুৰ্ঘটনা; মেক্সিম’ আৰু টাটা মোবাইলৰ মাজত প্ৰচণ্ড খুন্দা, গুৰুতৰভাৱে আহত পুৰুষ-মহিলাসহ ১০ গৰাকী লোক

ৰূপহীহাটৰ (Rupahihat) শিঙিমাৰীত (Singimari) ভয়ংকৰ পথ দুৰ্ঘটনা (Horrific Road Accident)। দুৰ্ঘটনীটোত ১০ গৰাকী লোক গুৰুতৰভাৱে আহত (10 Person Injured)। নগাঁও জিলাৰ (Nagaon District) ৰূপহীহাট আৰক্ষী (Rupahihat Police) থানাৰ অন্তৰ্গত শিঙিমাৰী নগাঁও-নলতলী পথত শুকুৰবাৰে পুৱা এক ভয়ংকৰ পথ দুৰ্ঘটনা সংঘটিত হয়।

যাত্ৰী ভৰ্তি টাটা মেক্সিম’ আৰু টাটা মোবাইলৰ মাজত মুখামুখি সংঘৰ্ষ ফলত (Two Cars Collision) পুৰুষ-মহিলাসহ ১০ গৰাকী লোক গুৰুতৰভাৱে আহত হয়। ঘটনাটো সংঘটিত হোৱাৰ লগে লগে স্থানীয় ৰাইজে আহত লোক কেইগৰাকীক আমছুৰ (AAMSU) তৎপৰতাত শিঙিমাৰী প্ৰাথমিক স্বাস্থ্য কেন্দ্ৰত ভৰ্তি কৰোৱাই যদিও তিনি জনৰ অৱস্থা সংকটজনক হোৱাৰ বাবে উন্নত চিকিৎসাৰ বাবে নগাঁৱলৈ প্ৰেৰণ কৰে।

ঘটনাস্থলীত ৰূপহীহাট আৰক্ষী (Rupahihat Police) উপস্থিত হৈ তদন্ত আৰম্ভ কৰে। উল্লেখ্য উক্ত পথছোৱাত কোনো ধৰণৰ গতিৰোধক নথকাৰ ফলতে সঘনাই দুৰ্ঘটনা সংঘটিত হৈ আহিছে যদিও প্ৰশাসনে এই ক্ষেত্ৰত কোনোধৰণৰ ব্যৱস্থা গ্ৰহণ কৰা নায়।

Photo & Input: আবু হানিফা

আৰু পঢ়কঃ https://khatangkhobor.com/miscellaneous/health/dr-dilip-sethia-comments-on-cancer-disease-in-guwahati/8172/