নগাঁৱত অব্যাহত আছে ড্ৰাগ্ছ মাফিয়াৰ দপদপনি। নিশা নগাঁও চহৰৰ সমীপৱৰ্তী নগাঁও-জুৰীয়া পথত মাইনুল হক চৌধুৰী নামৰ এজন যুৱকক চোকা অস্ত্ৰৰে আক্ৰমণ কৰে ড্ৰাগছ মাফিয়া ইকবাল আহমেদে।
পিছত গুৰুতৰভাৱে আহত মাইনুল হকক স্থানীয় লোকৰ তৎপৰতাত ভৰ্তি কৰোৱা হয় নগাঁও ভোগেশ্বৰী ফুকননী অসামৰিক চিকিৎসালয়ত।
উল্লেখ্য যে মাইনুল হকে ড্ৰাগছ বিৰোধী অভিযানত আৰক্ষীক সহযোগিতা আগবঢ়াইছিল। বুধবাৰেও অঞ্চলটোত ড্ৰাগছ বিক্ৰীৰ সন্দৰ্ভত আৰক্ষীক খবৰ দিছিল মাইনুলে।
যাৰ ফলত খৰ্গহস্ত হৈ ড্ৰাগছ ব্যৱসায়ী ইকবালে চোকা অস্ত্ৰৰে আক্ৰমণ কৰে উক্ত যুৱকজনক। নিশাই ঘটনাস্থলীত নগাঁও আৰক্ষী উপস্থিত হৈ ঘটনাৰ তদন্ত আৰম্ভ কৰিছে যদিও পলাতক অৱস্থাত আছে ড্ৰাগ্ছ ব্যৱসায়ী ইকবাল আহমেদ।
জানিব পৰা অনুসৰি ইকবালে দীৰ্ঘদিন ধৰি ড্ৰাগ্ছৰ ৰমৰমীয়া ব্যৱসায় চলাই আহিছে।
Photo & Input: ৱাহিদুদ জামান
Discussion about this post