কৰুণ! পুত্ৰৰ বিয়াৰ ৰভাথলীতে উঠিল পিতৃৰ চিতা; একমাত্ৰ পুত্ৰৰ বিয়াৰ আয়োজন চলি আছিল খুব ধুম-ধামেৰে, কিন্তু হঠাৎ ৰভাথলীতে ঢলি পৰিল পিতৃ, তাৰ পিছত হাঁহি-ফূৰ্তিৰ পৰিৱৰ্তে উঠিল কান্দোনৰ ৰোল

বটদ্ৰৱাত (Batadrava) এক কৰুণ ঘটনা (Tragic Incident) সংঘটিত হৈছে। পুত্ৰৰ বিয়াৰ ৰভাথলীত উঠিল পিতৃৰ নিথৰ দেহৰ চিতা। বটদ্ৰৱাৰ (Batadrava) সৰুহিছা গাঁৱৰ নৱজ্যোতি খাটনিয়াৰ নামৰ যুৱকজনৰ বিয়াৰ আয়োজন চলি থকাৰ সময়তে পিতৃ উমা খাটনিয়াৰৰ উচ্চ ৰক্তচাপ জনিত ৰোগত আক্ৰান্ত হৈ ঢলি পৰে বিয়াৰ ঘৰতে (Groom’s Father Dies)। লগে লগে পৰিয়ালৰ লোকে চিকিৎসাৰ বাবে নগাঁৱলৈ নিয়ে যদিও মৃত্যু হয় লোকজনৰ।

একমাত্ৰ পুত্ৰৰ বিয়াৰ আয়োজনৰ আগমুহূৰ্তত এনেদৰে পিতৃৰ আকস্মিক বিয়োগত বিয়াৰ ৰভাথলীত নিমিষতে স্তব্ধ হৈ পৰে আনন্দ-উল্লাস। হাঁহি-ফূৰ্তিৰ পৰিৱৰ্তে ৰভাথলীত শোকাকুল পৰিবেশৰ সৃষ্টি হয়। দৰা-কইনাই অতিথি আপ্যায়নৰ বাবে ৰৈ থকা সময়ত অতিথিৰ সলনি আহিল পিতৃৰ মৃতদেহ। যি দৃশ্যই বিয়া ঘৰৰ সকলোৰে মাজত শোকাকুল পৰিবেশৰ সৃষ্টি কৰে।

Photo & Input: ছাইদুল ইছলাম

আৰু পঢ়কঃ https://khatangkhobor.com/news/national/delhi-property-dispute-children-beaten-father-and-grand-father-watch-viral-video/8881/