পুনৰ চৰ্চাত আচাৰ্য পংকজ পাঠক! আলফাৰ সেনাধ্যক্ষ পৰেশ বৰুৱাৰ চিকিৎসা কৰিবলৈ সাজু হৈছে পংকজ পাঠক; ফেচবুক পোষ্টযোগে পৰেশ বৰুৱাক দিলে ‘কাহ’ৰ ঔষধৰ পৰামৰ্শ, পিছে পংকজ পাঠকে কিয় দিলে এই পৰামৰ্শ? ভাইৰেল হৈ পৰিছে পোষ্টটো…

পুনৰ চৰ্চাত আচাৰ্য পংকজ পাঠক (Pankaj Pathak)! আলফাৰ সেনাধ্যক্ষ পৰেশ বৰুৱাক (Paresh Baruah) ঔষধৰ পৰামৰ্শ দিলে আচাৰ্য পংকজ পাঠকে। সামাজিক মাধ্যম ফেচবুকত পৰেশ বৰুৱাক ৰোগৰ চিকিৎসা পৰামৰ্শ দিয়া এটা পোষ্ট ভাইৰেল হৈ পৰিছে (Pankaj Pathak Facebook Post Viral In Social Media)।

সংবাদ মাধ্যমত পৰেশ বৰুৱাৰ এটা ভিডিঅ’ সাক্ষাৎকাৰৰ পিছত আলফা স্বাধীনৰ সেনাধ্যক্ষগৰাকীৰ কাহৰ দৰৱ হিচাপে আচাৰ্য পংকজ পাঠকে উল্লেখ কৰিলে ‘কাঁহৰ (আচলতে ‘কাহৰ’) যমকাল’ নামৰ এটা আয়ুৰ্বেদিক ঔষধৰ।

পৰেশ বৰুৱাই ‘খুকুৰ খুকুৰ’ কাহি থকা শুনা পাই কাৰোবাৰ যোগেদি এই ঔষধটো তেওঁৰ দোকানৰ ক্ৰয় কৰিবলৈ আহ্বান জনালে আচাৰ্য পংকজ পাঠকে (Pankaj Pathak)।

পংকজ পাঠকে তেওঁৰ ফেচবুক পোষ্টটোত লিখিছে- ”পৰেশ বৰুৱা ডাঙৰীয়া, আপোনাৰ সাক্ষাৎকাৰ যোৱাকালি চালো জাৰীৰ হুচেইন ডাঙৰীয়াৰ লগত। আপোনাৰ দীৰ্ঘায়ু কামনা কৰি আপোনালৈ এটা সামান্য পৰামৰ্শ আগবঢ়ালোঁ। আপুনি টিভিত কথা কম আৰু কাহি থকা বেছি দেখা পালো। প্ৰায় প্ৰতিবাৰ আপুনি যেতিয়া ফোন কৰে কোনো চেনেলত, প্ৰতিবাৰেই আপোনাক খুকুৰ-খুকুৰ কৰি থকা শুনা পাওঁ।

আপুনি কোনোবা মানুহ পঠাই আমাৰ দোকানৰ পৰা আমাৰ এই ‘কাহৰযমকাল’ এটা লৈ ল’ব। এইটো খালে যিমান পুৰণি কাহ হলেও আপুনি ভাল পাব।

কাহৰ লগতে হাঁপানী, ব্ৰংকাইটিছ, এলাৰ্জি কাহ আদিৰ বাবেও বহুত উপকাৰী। আপুনি এইটো অনলাইন অৰ্ডাৰ কৰিও লব পাৰিব। কিন্তু ভাৰতৰ বাহিৰত আমি ডেলিভাৰী নিদিওঁ।’’

আচাৰ্য পংকজ পাঠকে ফেচবুকত দিয়া এই পৰামৰ্শই এতিয়া লাভ কৰিছে বিশেষ চৰ্চা। সমান্তৰালভাৱে তেওঁ উল্লেখ কৰা দৰৱৰ নামটোকলৈও প্ৰতিক্ৰিয়াৰ সৃষ্টি হৈছে।

Photo: Facebook

আৰু পঢ়কঃ https://khatangkhobor.com/news/national/salute-veer-three-policemen-killed-in-firing-by-miscreants-in-guna-district-of-madhya-pradesh/8991/