সুৰামত্ত যুৱতীৰ উদ্ভণ্ডালি! বাহনেৰে মহটিয়াই ৮জন শ্ৰমিকক, এজনৰ ছিঙি যায় ভৰি

নিশা মহানগৰীত (Guwahati) সুৰামত্ত যুৱতীৰ উদ্ভণ্ডালি। গুৱাহাটীৰ ৰুক্মিণী গাঁৱত সংঘটিত হৈছে এই ঘটনা। যুৱতীৰ Chevrolet বাহনেৰে মহটিয়াই নিয়ে নিশা কাম কৰি থকা ৮জন শ্ৰমিকক। দুৰ্ঘটনাটোত গুৰুতৰভাৱে আহত (Injured) হয় ৮জনকৈ শ্ৰমিক আৰু এজন লোকৰ ছিঙি যায় ভৰি। আহত আটাইকেইজন লোককে GMCHত ভৰ্তি কৰোৱা হয়। সুৰামত্ত যুৱতীগৰাকীয়ে ঘটনাস্থলীত উপস্থিত আৰক্ষীৰ সৈতেও তৰ্কাতৰ্কি কৰে। নিশা প্ৰায় ২ বজাত সংঘটিত হৈছিল এই ঘটনা।

চাওক ভিডিঅ’-

নিশা এখন বিলাসী হোটেলত এটা বাৰ্থ ডে পাৰ্টী খাবলৈ গৈছিল যুৱতীগৰাকীয়ে। নিশা ঘৰলৈ ঘূৰি অহাৰ সময়তে সংঘটিত কৰে এই দুৰ্ঘটনা। দুৰ্ঘটনাটোত যুৱতীগৰাকীও কিছু পৰিমানে আহত হয়। নিশা দুই বজাতে ঘটনাস্থলীত উপস্থিত হয় দিছপুৰ থানাৰ (Dispur Police) যান-বাহন আৰক্ষী ৷

গুৰুতৰভাৱে আঘাটপ্ৰাপ্ত এজন শ্ৰমিকৰ ভৰি ছিঙি গৈছে সেই দুৰ্ঘটনাত (Road Accident) ৷ কিন্তু বৰ্তমানলৈকে শ্ৰমিকজনৰ পৰিচয় লাভ কৰা নাই আৰক্ষীয়ে।

Photo: Khatang Khobor