নগাঁৱৰ খাটোৱাল আৰক্ষী আৰু ড্ৰাগছ মাফিয়াৰ সংঘৰ্ষ। আৰক্ষীৰ গুলীত নিহত ড্ৰাগছ মাফিয়া খাইৰুল ইছলাম। নিহত খাইৰুলৰ ঘৰ চামগুৰিৰ গেৰুৱামুখত।
দেওবাৰে পুৱতি নিশা সংঘটিত হৈছে এই সংঘৰ্ষ। আৰক্ষীক আক্ৰমণৰ চেষ্টা চলাইছিল খাইৰুলে। ড্ৰাগছ মাফিয়াৰ আক্ৰমণত আহত হৈছে খাটোৱালৰ আৰক্ষী বিষয়া আলোক দত্ত গুপ্তা।
গুলীবিদ্ধ হৈছে খাটোৱাল খানাৰ গাড়ীচালক উৎপল বৰুৱা। সম্প্ৰতি দুয়োকে চিকিৎসা প্ৰদান কৰি থকা হৈছে নগাঁও অসামৰিক চিকিৎসালয়ত। নগাঁৱৰ আৰক্ষী অধীক্ষক আনন্দ মিশ্ৰই হাস্পতালত উপস্থিত হৈ আৰক্ষী বিষয়াজনৰ খবৰ লয়।
গুলীবিদ্ধ গাড়ীচালকজন সংকটমুক্ত বুলি জানিব পৰা গৈছে। খাটোৱাল থানাৰ আৰক্ষী বিষয়াগৰাকীক তৰোৱালেৰে আক্ৰমণ চলাইছিল বুলি জানিব পৰা গৈছে।
Photo & Input: ৱাহিদুদ জামান
Discussion about this post