চাঞ্চল্যকৰ ঘটনা! আৰক্ষীয়ে জব্দ কৰা ২০০ কাৰ্টন অৰুণাচলী সুৰাভৰ্তি ট্ৰাক জ্বলাই দিয়ে দুৰ্বৃত্তই; থানাৰ সন্মুখত থকা CCTVয়ো দিয়ে ভাঙি

ৰঙিয়া (Rangia Police Station) থানাৰ সন্মুখত চাঞ্চল্যকৰ ঘটনা সংঘটিত হৈছে। আৰক্ষীয়ে জব্দ কৰা বিলাতী সুৰাভৰ্তি বাহন (Liquor Truck Firing By Miscreants) জ্বলাই দিলে দুৰ্বৃত্তই। ৰঙিয়া থানাৰ সন্মুখতে দাউ দাউকৈ জ্বলি উঠিল ট্ৰাক।

আৰক্ষীয়ে জব্দ কৰিছিল অৰুণাচলী সুৰাভৰ্তি (Arunachal Liquor) ট্ৰাকখন। প্ৰায় দুশ কাৰ্টন অৰুণাচলী সুৰা জব্দ কৰিছিল ৰঙিয়া আৰক্ষীয়ে (Rangia Police)। নিশা কোনো দূৰ্বৃত্তই RJ 23 GA 2141 নম্বৰৰ ট্ৰাকখনত অগ্নিসংযোগ কৰাৰ সন্দেহ কৰা হৈছে।

মঙলবাৰে নিশা গোপন খবৰৰ ভিত্তিত আৰক্ষীয়ে জব্দ কৰিছিল সুৰাভৰ্তি এই ট্ৰাকখন। কিন্তু কোনে কি কাৰণত ট্ৰাকখনত অগ্নিসংযোগ কৰি থৈ গ’ল তাক লৈ সৃষ্টি হৈছে চাঞ্চল্যৰ। ইফালে থানাৰ সন্মুখত থকা CCTV বোৰ ভাঙি থকা অৱস্থাত প্ৰত্যক্ষ কৰাত সৃষ্টি হৈছে ৰহস্যৰ।

Photo & Input: চফিকুল আহমেদ

আৰু পঢ়কঃ https://khatangkhobor.com/news/international/corona-positive-nurse-treated-and-survived-by-viagra-treatment/5845/