দিনক দিনে গুৱাহাটী মহানগৰীৰ ৰাজপথ অসুৰক্ষিত হৈ পৰিছে।
ৰাস্তাত অকলশৰীয়াকৈ যুৱতী-মহিলাৰ পৰা বাইকেৰে অহা দুৰ্বৃত্তই চেইন, বেগ, টকা, মোবাইল ফোন আদি কাঢ়ি নিয়া ঘটনাই চাঞ্চল্যৰ সৃষ্টি কৰাৰ সময়তে মহানগৰীৰ ৰাজপথত নিৰাপত্তাহীনতাত ভুগিছে খোদ এগৰাকী মহিলা আৰক্ষীয়ে ।
বুধবাৰে নিশা মহানগৰীৰ দীঘলীপুখুৰীৰ সমীপত সংঘটিত হয় এই ঘটনা ।
পল্টনবজাৰ আৰক্ষী থানাত কৰ্মৰত মহিলা কনিষ্টবল এগৰাকীক কৰ্তব্যত থকা অৱস্থাতে দুজন যুৱকে ৰাস্তাৰ মাজতে বাইকেৰে আগচি ধৰি “অশ্লীল ইংগিত” দিয়ে।
অৱশ্যে মহিলাগৰাকীয়ে তৎপৰতাৰে ঘটনাস্থলীতে ২ যুৱকক আটক কৰি লতাশিল আৰক্ষীক গতাই দিয়ে ।
ধৃত যুৱক দুজনৰ নাম বিকি বড়ো আৰু পংকজ দাস । জানিব পৰা অনুসৰি, পেছাত যুৱক দুজন ৰেপিড’ চালক।
Discussion about this post