কৰুণ ঘটনা! জীৱন্তে অগ্নিদগ্ধ হৈ এটি ১০ মহীয়া কন্যা সন্তানে সাৱটিলে মৃত্যুক, ভাত বনাই থাকোতে চৌকাৰ পৰা লাগে জুই

হোজাই (Hojai) কাকীত জীৱন্তে অগ্নিদগ্ধ (Burn) হৈ এগৰাকী ১০ মহীয়া কন্যা সন্তানৰ কৰুণ মৃত্যু (Died)। কাকী বনাঞ্চলৰ বৰমাংচু পানীগাঁৱত সংঘটিত হয় এই কৰুণ ঘটনাটো। বৰমাংচুৰ হাচেন উদ্দিন নামৰ লোকজনৰ কণিষ্ঠ কন্যা আছিল মৃত তাচমিনা খাতুন।

নিশা সংঘটিত অগ্নিকাণ্ডৰ (Fire) ঘটনাত লোকজনৰ বাসগৃহটো সম্পূৰ্ণৰূপে ভস্মীভূত হোৱাৰ লগতে লোকজনৰ আন দুটা সন্তানৰ কথমপি প্ৰাণৰক্ষা পৰাৰ বিপৰীতে কণমানি কন্যাগৰাকী জীৱন্তে অগ্নিদগ্ধ হয়।

লোকজনৰ চাৰিটা সন্তানৰ তিনিটা সন্তান ঘৰত থকাৰ বিপৰীতে এগৰাকী কন্যা সন্তান আত্মীয়ৰ ঘৰত আছিল। নিশা ভাত বনাই থকা অৱস্থাত চৌকাৰ পৰা জুই লগাৰ সন্দেহ। পিতৃ হাচেন উদ্দিন কৰ্মসূত্ৰে কেৰেলাত থকাৰ বিপৰীতে মাতৃগৰাকীয়ে চৌকাত জুই লগাই কাষৰীয়া এঘৰ লোকৰ ঘৰলৈ খাদ্য আনিবলৈ যোৱাৰ সময়তে সংঘটিত হয় হৃদয়বিদাৰক ঘটনাটো।

ওচৰ-চুবুৰীয়া লোকে জুই নিৰ্বাপিত কৰিবলৈ চেষ্টা কৰাৰ লগতে কণমানি কন্যাগৰাকীক বচাবলৈ বহু চেষ্টা কৰে যদিও জুইৰ পৰা বচাবলৈ সক্ষম নহ’ল।

Photo & Input: মনজ্যোতি মুদৈ

আৰু পঢ়কঃ https://khatangkhobor.com/news/road-accident-at-bongaigaon-one-death-one-injured-in-assam/5450/