এয়া কেৱল ভাৰততে সম্ভৱ! অৰ্ডাৰ কৰিছিল iPhone 13, কিন্তু শিল বা চাবোন ওলোৱা বুলি ভাবি ভুল নকৰিব…ওলাল iPhone 14

যেতিয়াৰ পৰা iPhone 14 মুকলি হৈছে… তেতিয়াৰ পৰা বহুলোকে প্ৰমাণ কৰিবলৈ চেষ্টা কৰি আছে যে এই ডিভাইচটো iPhone 13তকৈ পৃথক নহয়। দুয়োটাৰে ফিচাৰ্ছ আৰু ডিজাইন প্ৰায়ে একে। যদিও মূল্যত যথেষ্ট পাৰ্থক্য আছে। iPhone 13ৰ মূল্য প্ৰায় ৬০ হাজাৰ টকা আৰু iPhone 14ৰ মূল্য ৮০ হাজাৰৰ পৰা ১ লাখ টকাৰ ভিতৰত। অৱশ্যে, অনলাইন বিক্ৰীত, ‘iPhone 13’ ৫০ হাজাৰ লৈকে বিক্ৰী হৈ আছিল। ইয়াৰ মাজতে এজন টুইটাৰ ব্যৱহাৰকাৰীয়ে iPhone 14ক লৈ এটা টুইট কৰিছিল যিটো বিষয় ইণ্টাৰনেটত ভাইৰেল হৈ পৰিছে, যিটোক লৈ বিভিন্নজনে মিশ্ৰিত প্ৰতিক্ৰিয়া প্ৰকাশ কৰিছে।

সকলো ভাগ্যৰ খেল, গুৰু…

৪ অক্টোবৰত টুইটাৰ ব্যৱহাৰকাৰী @DigitalSphereTয়ে দুখন ছবি শ্বেয়াৰ কৰিছে, আৰু কয় যে তেওঁৰ এজন অনুসৰণকাৰীয়ে ফ্লিপকাৰ্টৰ পৰা iPhone 13 অৰ্ডাৰ দিছিল, কিন্তু তেওঁ ১৩ৰ পৰিৱৰ্তে iPhone 14ডেলিভাৰী পাইছিল। এতিয়া এই বিষয়টো ইণ্টাৰনেটত আলোচনাৰ বিষয় হৈ পৰিছে।

Apple-ও বিভ্ৰান্তিত পৰিছে দুয়োটা একেধৰণৰ

বহুতো ব্যৱহাৰকাৰীয়েও এই ঘটনাটোৰ প্ৰতিক্ৰিয়া প্ৰকাশ কৰিছিল। যদিও কিছুমান ব্যৱহাৰকাৰীয়ে iPhone 14 পোৱা ব্যক্তিজনক অতি ভাগ্যৱান বুলি কৈছিল, ইফালে কিছুমান ব্যৱহাৰকাৰীয়ে লিখিছিল যে এইটো ডেলিভাৰী ল’ৰাৰ দোষ নহয়। Apple-এ iPhone 13 আৰু iPhone 14ক ইমানেই একে বনাইছে যে যিকোনো লোক বিভ্ৰান্ত হৈ পৰে। হয়, বেছিভাগ ব্যৱহাৰকাৰীয়ে বিশ্বাস কৰে যে এই দুটা ডিভাইচ একে দেখাত।

Photo: Twitter

আৰু পঢ়কঃ https://khatangkhobor.com/%e0%a6%95%e0%a7%8d%e0%a7%b0%e0%a6%be%e0%a6%87%e0%a6%ae/up-policeman-stole-mobile-from-pocket-of-youth-in-kanpur-suspend-watch-viral-video/12218/