আপুনিও যদি স্পীডত গাড়ী চলাই তেন্তে পঢ়ি লওক উচ্চ ন্যায়ালয়ৰ এই সিদ্ধান্ত, অন্যথা ক্ষতি হ’ব আপোনাৰ

মাদ্ৰাজ উচ্চ ন্যায়ালয়ে (Madras High Court)য়ে ৰাজপথত অত্যাধিক দ্ৰুত গতিত (Over Speeding) সংঘটিত দুৰ্ঘটনাৰ ওপৰত উদ্বেগ প্ৰকাশ কৰিছে আৰু এক গুৰুত্বপূৰ্ণ ৰায় প্ৰদান কৰিছে।

আদালতে ৰাজপথৰ শীৰ্ষ গতি বেগ ১২০ কিলোমিটাৰ প্ৰতি ঘণ্টালৈ বৃদ্ধি কৰাৰ কেন্দ্ৰীয় চৰকাৰৰ জাননী বাতিল কৰিছে আৰু সৰ্বাধিক গতিবেগ ৮০ কিলোমিটাৰ প্ৰতি ঘণ্টালৈ হ্ৰাস কৰিবলৈ নিৰ্দেশ দিছে।

পথ দুৰ্ঘটনাৰ কাৰণ অত্যাধিক দ্ৰুতগতি: উচ্চ ন্যায়ালয়
শুনানিৰ সময়ত, ন্যায়াধীশ এন কিৰুবাকৰণ আৰু টিভি থামিলচেলভিৰ বিচাৰপীঠে বেছিভাগ পথ দুৰ্ঘটনাৰ কাৰণ অত্যাধিক দ্ৰুতগতি বুলি কয়। উন্নত পথ আৰু গাড়ীৰ উন্নত কৌশলৰ প্ৰতি লক্ষ্য ৰাখি বিশেষজ্ঞ সমিতিৰ মতামতৰ পিছত গতিৰ সীমা নিৰ্ধাৰণ কৰা হৈছে বুলি কেন্দ্ৰীয় চৰকাৰৰ আবেদনো তেওঁ মানি ল’বলৈ অস্বীকাৰ কৰে।

‘আইন ভংগ কৰাৰ বাবে কঠোৰ শাস্তি দিয়া উচিত’
মাদ্ৰাজ উচ্চ ন্যায়ালয়ে (Madras High Court) ক’লে যে কৰ্তৃপক্ষই স্পীড গান, স্পীড ইণ্ডিকেচন প্ৰদৰ্শন আৰু ড্ৰোনৰ সহায়ত অত্যাধিক দ্ৰুত গতিৰ চিনাক্ত কৰিব লাগে আৰু দ্ৰুতবেগী চালকসকলক শাস্তি দিয়াৰ ব্যৱস্থা কৰিব লাগে।’ মাদ্ৰাজ উচ্চ ন্যায়ালয়ে লগতে কয়, ‘পথ যান-বাহন নিয়ম উলংঘনকাৰীসকলক আইন অনুসৰি কঠোৰ শাস্তি দিয়া উচিত। হাই স্পীড ইঞ্জিনৰ গাড়ীসমূহক এইধৰণে ছেট কৰিব লাগে যে গতি সীমাতকৈ অধিক নহয় যাতে।

কেন্দ্ৰীয় চৰকাৰে বৃদ্ধি কৰিছিল টপ স্পীড
কেন্দ্ৰীয় চৰকাৰৰ দ্বাৰা টপ স্পীডৰ ওপৰত এখন জাননী জাৰি কৰা হৈছিল য’ত কোৱা হৈছিল যে এক্সপ্ৰেছৱে’ত গাড়ীৰ টপ স্পীড প্ৰতি ঘণ্টাত ১০০ কিলোমিটাৰৰ পৰা ১২০ কিলোমিটাৰ প্ৰতি ঘণ্টালৈ বৃদ্ধি কৰা হৈছে।

Photo: Google