Health Tips: আৰম্ভ কৰি দিয়ক ভেণ্ডি (lady Finger) খোৱা; নাখালে নাপাব, খালে পাব এই লাভালাভ, আহক জানো কি কি?

সেউজীয়া পাচলি আপোনাৰ স্বাস্থ্যৰ বাবে অতি গুৰুত্বপূৰ্ণ। অৱশ্যে আপুনি সকলো পাচলি খোৱাৰ অভ্যাস কৰা উচিত, কিন্তু কিছুমান পাচলি এনে আছে, যি পুষ্টিৰে সমৃদ্ধ হোৱাৰ লগতে বহুতো ৰোগৰ আশংকাও হ্ৰাস কৰে। ইয়াত ভেণ্ডিও (lady Finger) অন্তৰ্ভুক্ত আছে। আপুনি জানেনে আপোনাৰ বাবে ভেণ্ডি কিমান উপকাৰী? ভেণ্ডি খালে কেৱল আপোনাৰ ৰক্ত শৰ্কৰাই নিয়ন্ত্ৰণত নাথাকে, লগতে হৃদযন্ত্ৰও সুস্থ হৈ থাকে। গতিকে আহক জানো ভেণ্ডি (lady Finger) খোৱাৰ আন কি লাভালাভ আছে।

ভেণ্ডিয়ে (lady Finger) বেয়া কলেষ্টেৰল হ্ৰাস কৰে
আপোনালোকক জনাওঁ যে ভেণ্ডিত প্ৰচুৰ পৰিমানৰ ফাইবাৰ থাকে, ই ভিটামিন, মিনাৰেলছসহ কেইবাটাও পুষ্টিকৰ উপাদানেৰে সমৃদ্ধ। ভেণ্ডিত পেক্টিন নামৰ এক উপাদান থাকে, যিয়ে বেয়া কলেষ্টেৰল হ্ৰাস কৰাত সহায় কৰে। এনে পৰিস্থিতিত যেতিয়া আপোনাৰ কলেষ্টেৰল সন্তুলিত হৈ থাকে তেতিয়া হাৰ্ট এটেকৰ আশংকাও কম হয়।

ৰক্ত শৰ্কৰা (Blood Suger) নিয়ন্ত্ৰণত থাকিব
ডায়েবেটিছ ৰোগীৰ বাবে ভেণ্ডি সেৱন কৰাটো যথেষ্ট উপকাৰী। কিয়নো ইয়াত উচ্চ পৰিমানৰ ফাইবাৰ থাকে। ভেণ্ডি খোৱাৰ ফলত পাচন তন্ত্ৰৰ লগতে শৰীৰত ৰক্ত শৰ্কৰাৰ স্তৰো উন্নত হ’ব পাৰে।

কৰ্কট ৰোগৰ ক্ষেত্ৰতো ভেণ্ডি (lady Finger) উপযোগী
ভেণ্ডিত অন্যান্য পাচলিতকৈ অধিক এণ্টিঅক্সিডেণ্ট থাকে। সেয়েহে কৰ্কট ৰোগৰ আশংকা হ্ৰাস কৰিব পাৰি। ভেণ্ডিত থকা উচ্চ পৰিমানৰ ফাইবাৰে স্বাস্থ্যকৰ হজম বজাই ৰখাৰ লগতে কৰ্কট ৰোগৰ বিপদাশংকা প্ৰতিহত কৰে।

নিশ্চয় খাওক ভেণ্ডি (lady Finger) , ৰোগ প্ৰতিৰোধ ক্ষমতা (Immunity) শক্তিশালী হ’ব
ক’ৰোনা কালত ৰোগ প্ৰতিৰোধ ক্ষমতা (Immunity) শক্তিশালী হৈ থকাটো অতি গুৰুত্বপূৰ্ণ হৈ পৰিছে। এনে পৰিস্থিতিত, ভেণ্ডি হৈছে এনে এক পাচলি, যি আপোনাৰ ৰোগ প্ৰতিৰোধ ক্ষমতা শক্তিশালী কৰিব পাৰে। গতিকে এই পাচলিটো আপোনাৰ আহাৰত অন্তৰ্ভুক্ত কৰিবলৈ চেষ্টা কৰক।

Photo: Google

Published By- Dulu Medhi

আৰু পঢ়কঃ https://khatangkhobor.com/%e0%a6%95%e0%a7%8d%e0%a7%b0%e0%a6%be%e0%a6%87%e0%a6%ae/miscreants-poured-poison-in-3-ponds-and-killed-lots-of-fish-at-kawaimari-in-barpeta/8106/