Health Tips: ওজন হ্ৰাস কৰিব বিচাৰে যদি নিশা ভুলতেও নাখাব এই কেইবিধ বস্তু; নহ’লে দ্ৰুতগতিত বৃ্দ্ধি পাব ওজন

Diet Tips For Weight Loss: ব্যস্ত জীৱনত মানুহৰ ফিটনেছৰ বাবে সময় নাই। খাদ্যৰ অৱহেলাৰ বাবে মেদবহুলতা মানুহৰ মাজত আটাইতকৈ ডাঙৰ সমস্যা হৈ পৰিছে। ক’ৰোনাৰ সময়ত ঘৰত থকাৰ ফলতো মানুহৰ ওজন দ্ৰুতগতিত বৃদ্ধি পাইছে। Work From Home কৰাসকলৰটো আৰু বেছি বেয়া অৱস্থা হৈছে। পুৱাৰে পৰা অফিচ আৰম্ভ হয় আৰু নিশালৈ শেষ হয়। মাত্ৰ এটা স্থানতে বহি মেদবহুলতা বৃদ্ধি হৈছে। কিছুমান লোকে নিশা পলমকৈ কাম কৰিব লাগে, যাৰ ফলত নিশা ভোক লাগে। এনে ক্ষেত্ৰত, মানুহে অস্বাস্থ্যকৰ খাদ্য খায়। নিশা যিকোনো অস্বাস্থ্যকৰ বস্তু খোৱাৰ ফলত ওজন দ্ৰুতগতিত বৃদ্ধি হয়। যদি আপুনি ক্ষীণ হৈ থাকিব বিচাৰে বা ওজন হ্ৰাস কৰিব বিচাৰে তেন্তে ৰাতি কেতিয়াও এই বস্তুবোৰ নাখাব।

বিশেষজ্ঞসকলে কৈছে যে নিশা অস্বাস্থ্যকৰ খোৱাৰ ফলত সৰ্বাধিক ওজন বৃদ্ধি হয়। কিছুমান মানুহে ৰাতি পলমকৈ খায় আৰু লগে লগে শুবলৈ যায়। যাৰ ফলত মেদবহুলতা বৃদ্ধি হয়। যদি আপুনি সুস্থ হৈ থাকিব বিচাৰে, তেন্তে শোৱাৰ কমেও ৩ ঘণ্টা আগতে ৰাতিৰ আহাৰ গ্ৰহণ কৰাটো অভ্যাস কৰক।

নিশা এই কেইবিধ বস্তু সেৱন নকৰিব

১- চকলেট (Chocolate)- ৰাতি চকলেট খোৱাৰ ফলতো দ্ৰুতগতিত ওজন বৃদ্ধি হয়। চকলেটত কেফেইন আৰু চেনী বেছি থাকে যিয়ে আপোনাক শকত কৰিব পাৰে। যদি আপুনি চকলেট খাই ভাল পায় তেন্তে দিনত খাব পাৰে, নিশাৰ আহাৰৰ পিছত ইয়াপ পৰা আঁতৰি থাকক।

২- ফ্ৰাইড ফুড (Fried food)- দ্ৰুতগতিত ওজন বৃদ্ধিৰ কাৰণ হৈছে নিশা পলমকৈ আপুনি ভজা বস্তু খোৱা। ভজা খাদ্যত কাৰ্ব আৰু ফেটি এচিড থাকে, যাৰ ফলত পাকস্থলীৰ এচিডিটি আৰু ওজন বৃদ্ধি হয়। সেয়েহে, ক্ষীণ হৈ থাকিবলৈ ৰাতি কম খাদ্য খোৱা উচিত যি হজম হয়।

৩- নুডলছ (Noodles)- যিসকলে নিশা পলমকৈ সাৰে থাকে তেওঁলোকৰ ভোক বেছিকৈ লাগে। তাৰ পৰিণতিত কিবা বনোৱাৰ এলাহত বহুলোকে ইনষ্টেণ্ট নুডলছ খাই লয়। আপোনাৰ এই অভ্যাসটো ওজন বৃদ্ধিৰ আটাইতকৈ ডাঙৰ কাৰণ। নুডলছত কাৰ্ব আৰু চৰ্বি থাকে ফাইবাৰ একেবাৰে নাথাকে। ই স্বাস্থ্যৰ ক্ষতি কৰিব পাৰে আৰু লগতে দ্ৰুতগতিত ওজন বৃদ্ধি কৰিব পাৰে।

৪- চডা (Soda)- বহুলোকে ৰাতিৰ আহাৰৰ পিছত চডা খাবলৈ পছন্দ কৰে, যাৰ ফলত খাদ্য হজম কৰা সহজ হয়। ভজা খাদ্যত উচ্চ চেনী থাকে যি পেটৰ চৰ্বি বৃদ্ধি কৰে। মেদবহুলতা হ্ৰাস কৰিবলৈ শুবলৈ যোৱাৰ আগতে চডা নাখাব।

৫- মিঠাই খোৱা পৰিহাৰ কৰক (Sweets)- ৰাতি ওজন বৃদ্ধিৰ আন এটা কাৰণ মিঠা খাদ্য খোৱা। যদি আপুনি নিশা পলমকৈ মিঠাই খায়, তেন্তে ইয়াৰ ফলত ওজন দ্ৰুতগতিত বৃদ্ধি হয়। আপুনি ৰাতি মিঠাই খোৱাৰ পৰা নিজকে আঁতৰাই ৰখা উচিত।

Photo: Google

আৰু পঢ়কঃ https://khatangkhobor.com/lifestyle/entertainment/alia-bhatt-touches-director-shashank-khaitan-in-wrong-place/5241/