যুৱতীয়ে উপৰ্যপুৰি চৰ শোধালে এজন লোকক; দিল্লীত ‘লক্ষ্ণৌ চৰ কাণ্ড’ৰ দৰে ঘটনা, চাওক Viral Video

Trending Video: কিছু মাহ পূৰ্বে লক্ষ্ণৌত এগৰাকী যুৱতীয়ে কেব চালকক প্ৰহাৰ কৰাৰ ঘটনা পোহৰলৈ আহিছিল। দেশৰ ৰাজধানী দিল্লীত এতিয়া একে ধৰণৰ ঘটনা সংঘটিত হোৱাৰ খবৰ পোৱা গৈছে। ঘটনাটো দিল্লীৰ পেটেল নগৰত সংঘটিত হৈছিল। ইয়াৰ সৈতে সম্পৰ্কিত এটা ভিডিঅ’ সামাজিক মাধ্যমত দ্ৰুতগতিত ভাইৰেল হৈ আছে। ভিডিঅ’টোত (Viral Video) এগৰাকী মহিলাই ৰাজহুৱাভাৱে এজন কেব চালকক চৰ শোধোৱা দেখা গৈছে। বিভিন্নজনে এয়া দেখি আচৰিত হৈছে আৰু ইয়াক তীব্ৰ গৰিহণা দিছে। গোটেই ঘটনাটো কি সেয়া জানো আহক।

মানুহে বুজাই থকাৰ পিছতো মহিলাগৰাকীয়ে শোধাইছিল চৰ
এই নতুন ঘটনাটোৰ সৈতে সম্পৰ্কিত ভিডিঅ’টোত নীলা টি-চাৰ্ট পিন্ধা এগৰাকী মহিলাই ব্যস্ত ৰাস্তাত মানুহৰ ভিৰৰ সন্মুখতে কেব চালকৰ কলাৰ ধৰি কেইবাবাৰো চৰ মাৰি থকা দেখা গৈছে।
ভিৰত থকা এজন লোকে যিয়ে ভিডিঅ’ বনাই আছিল তেওঁ মহিলাগৰাকীৰ এই আচৰণৰ বিৰোধিতা কৰি কেব চালকজনক এৰি দিবলৈ কয়। তেওঁ মহিলাগৰাকীৰ আচৰণক গুণ্ডামি বুলি কয়, কিন্তু তাৰ পিছতো মহিলাগৰাকীয়ে কেব চালকক এৰি নিদিয়ে। যেতিয়া ভিডিঅ’ নিৰ্মাতাই আৰক্ষীৰ কথা কয় তেতিয়া মহিলাগৰাকী আৰু অধিক ক্ষুব্ধ হৈ উঠে। তাই সেই মানুহজনকো প্ৰহাৰ কৰাৰ ভাবুকি দিয়ে। ভিডিঅ’টোত, সেই মহিলাগৰাকী তাৰ পৰা ওলাই যোৱাৰ পূৰ্বে তাত উপস্থিত থকা আন এজন লোককো গালি-গালাজ কৰা দেখা গৈছে।

চাওক ভিডিঅ’-

Sad I had to see this! pic.twitter.com/HVGHvEMkPB

— Aditya Singh (@Aditya22rajpoot) November 17, 2021

ছাইড নিদিয়াৰ বাবে ক্ষুব্ধ হৈ পৰিছিল মহিলা
খবৰ অনুসৰি উক্ত মহিলাগৰাকী দুচকীয়া বাহনত এগৰাকী যুৱতীৰ সৈতে গৈ আছিল। প্ৰতিবেদন অনুসৰি, ৰাস্তাত যান-জঁট আছিল আৰু মহিলাগৰাকীয়ে তাৰ মাজতে কেব চালকজনক তাই যাবলৈ কাষেৰে ছাইড বিচাৰিছিল। কেব চালকজনে ঠাই দিবলৈ অস্বীকাৰ কৰিছিল। যাৰ ফলত মহিলাগৰাকীৰ খং উঠিছিল আৰু চালকজনক গালি দিবলৈ আৰম্ভ কৰিছিল। কেৱল ইমানতেই ক্ষান্ত নাথাকি, তাই চালকজনক গাড়ীৰ ভিতৰৰ পৰা উলিয়াই আনে আৰু গালি-গালাজ কৰি লোকজনক চৰ শোধাবলৈ আৰম্ভ কৰে।

আৰক্ষীয়ে এতিয়ালৈকে কোনো অভিযোগ পোৱা নাই
আৰক্ষীয়ে এতিয়ালৈকে গোচৰটোত কেব চালকৰ পৰা কোনো অভিযোগ পোৱা নাই। সংবাদ মাধ্যমৰ বাতৰি অনুসৰি, আক্ৰমণকাৰী মহিলাগৰাকীক তেওঁ চলাই থকা স্কুটি নম্বৰেৰে বিচাৰি উলিওৱাৰ চেষ্টা কৰা হৈছে।

লক্ষ্ণৌতো একে ধৰণৰ ঘটনাৰ খবৰ পোৱা গৈছিল

উল্লেখ্য এই বছৰৰ ৩০ জুলাইত লক্ষ্ণৌত একে ধৰণৰ ঘটনা পোহৰলৈ আহিছিল। সেই সময়ত, প্ৰিয়দৰ্শিনী যাদৱ নামৰ এগৰাকী যুৱতীয়ে মাজৰ ৰাস্তাত এজন কেব চালকক প্ৰহাৰ কৰিছিল। এই ভিডিঅ’টোত, যুৱতীগৰাকীক কেব চালকজনক ২০ বাৰতকৈও অধিক চৰ মাৰি থকা দেখা গৈছিল।

Photo: Google

আৰু পঢ়কঃ https://khatangkhobor.com/news/national/complaints-registered-against-comedian-actor-vir-das/4492/