‘আৰয়ান খানে স্বীকাৰ কৰিলে পাৰ্টীলৈ ড্ৰাগছ লৈ যোৱাৰ কথা’- NCBৰ অভিযোগনামাত খোলোচা

Cruise Drugs Party: এনচিবিৰ অভিযানৰ পিছত ক্ৰুজ ৰেভ পাৰ্টিৰ ঘটনা জুইৰ দৰে বিয়পি গৈ আছে। এই ঘটনাটোত এতিয়া ডাঙৰ খবৰ পোহৰলৈ আহিছে। ড্ৰাগছ পাৰ্টিৰ গোচৰত এনচিবিৰ দ্বাৰা দাখিল কৰা অভিযোগনামাত প্ৰকাশ কৰিছিল যে শ্বাহৰুখ খানৰ পুত্ৰই ড্ৰাগছ লৈ যোৱাৰ কথা স্বীকাৰ কৰিছে।

আৰয়ান-আৰবাজে কৰে স্বীকাৰ
এনচিবিৰ(NCB) অভিযোগনামা অনুসৰি, আৰয়ান খান (Aryan Khan) আৰু আৰবাজ মাৰ্চেণ্টে অভিযানৰ দিনা ধৰা পৰাৰ পিছত ড্ৰাগছৰ (Drugs Case) কথা স্বীকাৰ কৰিছিল। আৰবাজ মাৰ্চেণ্টে তদন্তকাৰী বিষয়াৰ আগত জোতা আৰু জিপ লক পাউচত ছৰচ লুকুৱাই অনাৰ কথা স্বীকাৰ কৰিছিল। আৰয়ান আৰু আৰবাজে একেলগে ছৰচ লোৱাৰ কথা স্বীকাৰ কৰিছিল। দুয়োজনে স্বীকাৰ কৰিছিল যে তেওঁলোকে ক্ৰুজ পাৰ্টিৰ সময়ত এই ছৰচ ব্যৱহাৰ কৰাৰ কথা আছিল।

আৰয়ান খান কাৰাগাৰত আছে:
ক্ৰুজ ড্ৰাগছ গোচৰত জড়িত অভিনেতা শ্বাহৰুখ খানৰ পুত্ৰ আৰয়ান খানে ৰেহাই পোৱা নাই। আদালতে শুকুৰবাৰে মুম্বাইৰ কিলা আদালতত আৰয়ানৰ অধিবক্তাৰ দ্বাৰা দাখিল কৰা জামিন আবেদন খাৰিজ কৰিছিল। শুকুৰবাৰে নিশা আৰয়ান আৰ্থাৰ ৰোড কাৰাগাৰত বাকী বন্দীসকলৰ সৈতে আছিল। এই সময়ছোৱাত আৰয়ান খানক কোনো বিশেষ ব্যৱস্থা দিয়া হোৱা নাছিল।

শ্বাহৰুখ খানৰ পুত্ৰ আৰয়ানে (Aryan Khan) মুম্বাইৰ (Mumbai) আৰ্থাৰ ৰোড কাৰাগাৰত ড্ৰাগছৰ গোচৰত এটা নিশা কাৰাবাস খাটিছিল। সাধাৰণ বন্দীৰ দৰেই আৰয়ান খানক কাৰাগাৰত খাদ্য দিয়া হৈছিল। একে সময়তে, সাধাৰণ বন্দীসকলৰ সৈতে শোৱাৰ বাবে সুবিধাও প্ৰদান কৰা হৈছে। আৰয়ান খান আৰু আৰবাজ মাৰ্চেণ্টক আৰ্থাৰ ৰোড কাৰাগাৰৰ বেৰেক নং ১-ত ৰখা হৈছে।

Photo: Gooogle