৯৮ বছৰ বয়সত ইহ সংসাৰ ত্যাগ কৰা দিলীপ কুমাৰক সেমেকা চকুৰে বিদায় জনোৱা হ’ল। ত্ৰিৰংগাৰে ঢাকি থোৱা দিলীপ কুমাৰৰ নশ্বৰ দেহ ছাণ্টা ক্ৰুজ সমাধিক্ষেত্ৰত উপস্থিত হৈছিল।
দিলীপ কুমাৰক ৰাজ্যিক সন্মানেৰে অন্তিম বিদায় জনোৱা হয়। কেৱল তেখেতৰ পৰিয়ালেই নহয়, বলীউড ইণ্ডাষ্ট্ৰীৰ সৈতে জড়িত লোকসকলো তাত উপস্থিত হয়।
চাইৰা বানো প্ৰতি মুহূৰ্তত দিলীপ কুমাৰৰ নশ্বৰ দেহৰ সৈতে আছিল। তেওঁ আৰম্ভণিৰ পৰা শেষলৈকে হাত ধৰি ৰাখিছিল দিলীপ কুমাৰৰ।
দিলীপ কুমাৰে বুধবাৰে পুৱা ৭.৩০ বজাত শেষ নিশ্বাস ত্যাগ কৰিছিল। দিলীপ কুমাৰৰ অন্তিম যাত্ৰাত সাধাৰণ লোকেও অংশগ্ৰহণ কৰে। সেই সময়ত যথেষ্ট ভিৰ প্ৰত্যক্ষ কৰা হৈছিল। সকলোৱে তেওঁলোকৰ প্ৰিয় কিংবদন্তী অভিনেতাগৰাকীক অন্তিম বিদায় জনাবলৈ ৰাজপথলৈ ওলাই আহিছিল।
কবৰস্থানৰ পূৰ্বে লৈ যোৱা হৈছিল মছজিদ
তেখেতক কবৰস্থানৰ পূৰ্বে মছজিদলৈ লৈ যোৱা হৈছিল। তাৰ পিছত তেওঁৰ নশ্বৰ দেহ ছাণ্টা ক্ৰুজ সমাধিক্ষেত্ৰলৈ লৈ যোৱা হৈছিল য’ত তেওঁক ৰাজ্যিক সন্মানেৰে অন্তিম বিদায় জনোৱা হৈছিল।
Photo: ABP News
Discussion about this post