ভুল কাৰ? মাজ ৰাস্তাতে ফুড ডেলিভাৰী দিয়া যুৱকক জোতাৰে প্ৰহাৰ যুৱতীৰ; এবাৰ-দুবাৰ নহয় বহুবাৰ প্ৰহাৰ কৰিলে জোতাৰে, কাৰণ মাথো…Watch Viral Video

এটা ভিডিঅ’ সামাজিক মাধ্যমত দ্ৰুতগতিত ভাইৰেল (Social Media Viral Video) হৈ আছে। এই ভিডিঅ’টোত এগৰাকী যুৱতীয়ে খাদ্য বিতৰণ কৰা এজেণ্টক প্ৰহাৰ কৰা দেখা গৈছে (Girl Beating Food Delivery Boy)। যুৱতীগৰাকীয়ে মাজ ৰাস্তাতে ডেলিভাৰী দিয়া যুৱকক প্ৰহাৰ কৰা দেখা গৈছে। তথ্য অনুসৰি, এই ভিডিঅ’টো মধ্য প্ৰদেশৰ (Madhya Pradesh) জবলপুৰৰ (Jabalpur)। খবৰ অনুসৰি ভিডিঅ’টো বৃহস্পতিবাৰে সন্ধিয়া জিলাখনৰ ৰাছেল চকৰ ওচৰত ৰেকৰ্ড কৰা হৈছিল। অৱশ্যে, যুৱতীগৰাকীৰ পৰিচয় এতিয়াও জানিব পৰা হোৱা নাই। সংবাদ মাধ্যমৰ বাতৰি অনুসৰি, যুৱতীগৰাকী তাইৰ স্কুটিৰে পাৰ হৈ আছিল। ইয়াৰ মাজতে, ডেলিভাৰী দিয়া যুৱকজন ভুল ফালৰ পৰা তাত উপস্থিত হয় আৰু যুৱতীগৰাকীৰ স্কুটীত খুন্দা মাৰে।

মাজ ৰাস্তাতে খাদ্য ডেলিভাৰী দিয়া এজেণ্টক জোতাৰে কৰে প্ৰহাৰ

জানিবলৈ দিয়া অনুসৰি স্কুটীত খুন্দা মৰাৰ পিছত যুৱতীগৰাকী ৰাস্তাত বাগৰি পৰে, তাৰ পিছত তাই উঠি লগে লগে বাইক আৰোহীজনক জোতাৰে প্ৰহাৰ কৰিবলৈ আৰম্ভ কৰে। যুৱতীগৰাকীয়ে অভিযোগ উত্থাপন কৰিছিল যে ডেলিভাৰী এজেণ্টৰ বাইক স্কুটীত খুন্দা মৰাৰ পিছত তাই আঘাতপ্ৰাপ্ত হৈছিল। ভিডিঅ’টোত, যুৱতীগৰাকীক ডেলিভাৰী এজেণ্টজনক নিৰ্বিচাৰে জোতাৰে প্ৰহাৰ কৰা দেখা গৈছে। তাত উপস্থিত কিছুমান লোকে যুৱতীগৰাকীক এনে কৰিবলৈ নিষেধ কৰিছিল কিন্তু যুৱতীগৰাকীয়ে কাৰো কথা শুনা নাছিল। যুৱতীগৰাকীয়ে যুৱকজনক জোতাৰে প্ৰহাৰ কৰাৰ লগতে ভৰিৰেও প্ৰহাৰ কৰে।

Watch Viral Video-

#MadhyaPradesh: A girl beat up a biker with shoes near Russel Chowk of #Jabalpur district on Thursday evening after the youth arrived from wrong side and collided with her scooty.@fpjindia Video pic.twitter.com/ix9W7Kr5cE

— Siraj Noorani (@sirajnoorani) April 15, 2022

ফুড ডেলিভাৰী কৰা যুৱকক মাৰপিট কৰাৰ ভিডিঅ’ ভাইৰেল

আশে-পাশে থকা লোকসকলে যুৱতীগৰাকীক বুজাবলৈ চেষ্টা কৰি আছিল কিন্তু তাই কাৰো কথা শুনা নাছিল। তাই যুৱকজনক নিৰ্বিচাৰে প্ৰহাৰ কৰিয়েই আছিল। অৱশ্যে, কিছুমান স্থানীয় লোকে দাবী কৰিছে যে ঘটনাটোৰ সময়ত যুৱতীগৰাকীয়ে ফোনত কথা পাতি আছিল আৰু সেইকাৰণেই এই ঘটনা সংঘটিত হৈছিল। ভিডিঅ’টো ছ’চিয়েল মিডিয়াত ভাইৰেল (Social Media Viral Video) হোৱাৰ পিছত, ওমতি আৰক্ষী থানাৰ ভাৰপ্ৰাপ্ত এছ পি এছ বাঘেলে কয় যে এই বিষয়ত কোনেও কোনো অভিযোগ কৰা নাই। বাঘেলে কৈছিল যে যদি ঘটনাটোৰ কোনো অভিযোগ প্ৰাপ্ত হয়, সংশ্লিষ্ট ব্যক্তিজনৰ বিৰুদ্ধে গোচৰ ৰুজু কৰা হ’ব।

Photo: Twitter

Published By: Dulu Medhi

আৰু পঢ়কঃ https://khatangkhobor.com/news/smart-thief-thieves-loot-money-jewellery-at-biswanath-chariali-in-assam/8346/