১ কোটি নিচাযুক্ত সামগ্ৰী জ্বলাই দিয়ে আৰক্ষীয়ে; ইয়াত আছে ব্ৰাউন ছুগাৰ ৪০০ গ্ৰাম, গাঞ্জা ১০২ কেজি, নিচাজাতীয় টেবলেট ৫১৩৬টা, নিচাযুক্ত কফচিৰাপ ৬১৪ বটল আৰু কেপচুল ৪৩২টা

বৰপেটাৰ আৰক্ষীয়ে জ্বলাই দিলে বিভিন্ন সময়ত অভিযানত জব্দ হোৱা বৃহৎ পৰিমাণৰ নিচাজাতীয় সামগ্ৰী। সম্প্ৰতি ড্ৰাগছৰ বিৰুদ্ধে ৰাজ্যজুৰি আৰক্ষীয়ে চলাই গৈছে অভিযান ৷ বৰপেটা আৰক্ষীয়েও (Barpeta Police) বিভিন্ন সময়ত অভিযান চলাই ড্ৰাগছসহ (Drugs) আটক কৰিছে বহু লোকক ৷ ড্ৰাগছৰ বিৰুদ্ধে অভিযান (Drugs Drive) অব্যাহত ৰখাৰ সময়তে বৃহস্পতিবাৰে বৰপেটা আৰক্ষীয়ে (Barpeta Police) জ্বলাই (Burn) দিলে ড্ৰাগছ, গাঞ্জাসহ, নিচাযুক্ত সামগ্ৰী৷

বৰপেটা আৰক্ষী (Barpeta Police) ছাউনীৰ পাছফালে বৃহস্পতিবাৰে জ্বলাই দিয়া হয় নিচাযুক্ত সামগ্ৰীসমূহ ৷ বৰপেটা জিলা উপায়ুক্ত, বৰপেটা আৰক্ষী অধীক্ষক, ন্যায়াধীশ আৰু ড্ৰাগছ ডিস্প’জেল কমিটীৰ সদস্যৰ উপস্থিতিত এই সামগ্ৰীসমূহ জ্বলাই দিয়া হয় ৷

বৰপেটা জিলাৰ বিভিন্ন আৰক্ষী চকীত ৰুজু হোৱা ৫৮টা গোচৰৰ প্ৰায় এক কোটি টকাৰ নিচাযুক্ত সামগ্ৰী জ্বলাই দিয়া বুলি আৰক্ষী অধীক্ষকগৰাকীয়ে জানিবলৈ দিয়ে ৷ বৃহস্পতিবাৰে জ্বলাই দিয়া নিচাযুক্ত সামগ্ৰীসমূহৰ ভিতৰত আছে ব্ৰাউন ছুগাৰ ৪০০ গ্ৰাম, গাঞ্জা ১০২ কেজি, নিচাজাতীয় টেবলেট ৫১৩৬টা, নিচাযুক্ত কফচিৰাপ ৬১৪ বটল আৰু নিচাজাতীয় কেপচুল ৪৩২টা বুলি আৰক্ষীয়ে জানিবলৈ দিয়ে৷

Photo & Input: ৰবিউল ইছলাম

আৰু পঢ়কঃ https://khatangkhobor.com/news/national/seeing-a-body-part-of-the-groom-in-the-wedding-bride-screamed-refused-to-marry/5562/